web counter
LEXO PA REKLAMA!

SHKARKO APP

App Store
Google Play

E fundit!

x

Arben Ramkaj, kritika qeverisë/ "Vullneti politik i diktoi Kadaresë edhe parajsën, edhe ferrin"

3 Korrik 2024, 17:03, Aktualitet CNA
Arben Ramkaj, kritika qeverisë/ "Vullneti politik i diktoi
Homazhet për Ismail Kadarenë

Drejtuesi i Qendrës së Bashkëpunimit Ndërfetar në Elbasan, Arben Ramkaj, ka reaguar në lidhje me homazhet e zhvilluara në TKOB për shkrimtarin Ismail Kadare.

Ramkaj kritikon vendosjen e imazhit të Nënë Terezës në homazhe, ndërsa thotë se Kadare u përcoll nga kjo botë si një murg katolik.

Ai deklaron se kjo gjë është bërë pa dëshirën e korfeut të letrave shqipe, i cili sipas tij kishte dhënë në përshtypjen e një laiku që i respektonte besimet në mënyrë të barabartë.

Ramkaj thekson se sot u tregua që vullneti politik të dikton edhe parajsën, edhe ferrin, duke mosditur që kodet kanonike Abrahamike kanë rregulla hyjnore edhe për përcjelljen e fundit.

Deklarata e plotë:

Funerali i sotëm i shkrimtarit tonë të madh Ismail Kadaresë më kujtoi shkrimtarin e madh Rus Lev Tolstoi, i cili erdhi si një i krishter i devotshëm, dhe iku si një “murg” heretik. E kundërta ndodhi me Ismail Kadarenë, ai ishte një "heretik" i devotshëm dhe iku si një "murg" katolik. Mendoj se ai nuk iku nga kjo botë si murg katolik sepse e dëshironte dhe nëqoftëse e dëshironte diçka të tillë do të respektohej nga unë edhe më shumë.

Ai iku si i tillë sepse edhe vendimet për funeralet dhe për vlerat që ato përfaqësojnë i merr Kryeministri. Ja çfarë deklaroi ai.

Rama tha se salla ku u mbajtën homazhet ishte e montuar për një shfaqje sonte në darkë, ndërsa pasi mori lajmin e vdekjes së tij dhe përgatitjen e ceremonisë funerale, u vendos që skena bashkë me imazhin e ndërtuar të Nënë Terezës të mos hiqej. Kjo sepse sipas kryeministrit, Kadare "nën hijen e shenjtores së tij të dashur, do të ndihej i marrë në mbrojtje nga të tërë ata që s’e donin."

Ky vendim që ka të bëjë më çëshjet e parajsës dhe ferrit domosdo nuk është në dorën e dijepakut fetar, në këtë rast kryeministrit, por as e vullnet shtetëror por është çështje që i përket hyjnores, dhe tagri i zhvillimit të funeraleve është çështje apriori e doktrinës dhe përkatësisë religjioze të të ndjerit. Seç më kujtoi funerali i sotëm episode nga novela e Balzakut me titull Mesha e Ateistit apo personazhet agnostike dhe ateiste që marrin pjesë në mëngjesin e lutjeve në SHBA. Ata nuk marrin pjesë se besojnë, thjesht marrin pjesë për të bërë disa miq më shumë e për të fituar simpatinë e kolegëve besimtarë me ndikim në botë.

Nuk ma merrte mendja që fuqia dhe pozita që ka pozicioni i kryeministrit do të hynte thellë në labirinthet e doktrinave fetare dhe do ta polemizionte varrimin e shkrimtarit të shqiptarëve që nuk e deklaroi asnjëherë në mënyrë publike besimin e tij.

Mendoj që ishte kjo pikërisht dëshira e tij që t’i përkasi të gjithëve si një laik që i respekton besimet në mënyrë të barabartë. Por ja që vullneti politik të dikton edhe parajsën edhe ferrin, duke mosditur që kodet kanonike Abrahamike kanë rregulla hyjnore edhe për përcjelljen e fundit. Në fund ngushëllime familjes, pjesa tjetër harrohet shpejt./ CNA





Lajmet e fundit nga