web counter
LEXO PA REKLAMA!

SHKARKO APP

App Store
Google Play

E fundit!

x

Anila Hoxha zbulon detaje nga banda që trafikonte kokainë: Roli i 3 të arrestuarve në Vlorë

10 Prill 2024, 10:10, Aktualitet CNA
Anila Hoxha zbulon detaje nga banda që trafikonte kokainë: Roli i 3
Anila Hoxha

Gazetarja Anila Hoxha në një intervistë televizive ka dhënë detaje për operacionin e zhvilluar ditën e djeshme në Shqipëri dhe Itali ku u arrestuan 13 persona, anëtarë të një grupi të trafikut të drogës.

Gazetarja tregoi se pjesë e bandës kriminale ishin shqiptarë italianë dhe arabë të cilët merreshin me trafikun e kokainës dhe kanabisit.

“Bëhet fjalë për grup të miksuar jo vetëm me shqiptarë, por edhe italianë dhe arabë të cilët kishin formuar një vatër të shpërndarjes së kokainës dhe kanabisit me qendër në Bologna të Italisë.  Hetimi është kryer nga drejtësia italiane. Aksioni këtu në Shqipëri është organizuar nga Policia e Shtetit dhe Forcat Operacionale ndërkohë që në Itali po ekzekutoheshin urdhrat e tjerë të masave të sigurimit “arrest me burg”, tha Hoxha.

Ajo tha më tej se 3 të arrestuarit nga policia shqiptare në Vlorë, Floriant Muho, Ledjon Muho dhe Landi Kalemaj, shërbenin si korrierë të lëndës narkotike që trafikohej nga Italia në vende të tjera të Europës.

“Në Shqipëri kërkohej arrestimi i tre personave që konsiderohen si korrierë të grupit kriminal në fushën e narko-trafikut. Në Itali është sekuestruar 20 kg kokainë”, shtoi gazetarja./CNA 





Lajmet e fundit nga