web counter
LEXO PA REKLAMA!

SHKARKO APP

App Store
Google Play

Arrest shtëpie për drejtorin e IT-së në Policinë e Shtetit/ AMP ekzekuton vendimin

9 Prill 2024, 21:20, Aktualitet CNA

Arrest shtëpie për drejtorin e IT-së në Policinë e

Agjencia e Mbikëqyrjes Policore ka ekzekutuar urdhrin e Prokurorisë për masën “arrest shtëpie” për Ervin Muçën, drejtorin e IT-së në Policinë e Shtetit.

Muça është person i dyshuar për kryerjen e veprës penale “Hyrje e paautorizuar kompjuterike”.

Nga veprimet procedurale të kryera nën drejtimin e Prokurorisë, ngrihen dyshime të arsyeshme, se në bazën e të dhënave të Policisë së Shtetit është ndërhyrë në mënyrë të paautorizuar nga Drejtori i Departamentit të Teknologjisë Informacionit dhe shtetas të tjerë.

“Agjencia e Mbikëqyrjes Policore ka ekzekutuar urdhrin e Prokurorisë për zbatimin e vendimit të Gjykatës së Shkallës së Parë të Juridiksionit të Përgjithshëm Tiranë, e cila ka vendosur masat e sigurisë “Arrest në shtëpi” dhe “Pezullimi i ushtrimit të një detyre a shërbimi publik”, për shtetasin E.M., me detyrë Drejtor i Departamentit të Teknologjisë së Informacionit në Drejtorinë e Përgjithshme të Policisë së Shtetit, si i dyshuar për kryerjen e veprës penale “Hyrje e paautorizuar kompjuterike”.

Nga veprimet procedurale të kryera nën drejtimin e Prokurorisë, rezulton se ka dyshime të arsyeshme, se në bazën e të dhënave të Policisë së Shtetit është ndërhyrë në mënyrë të paautorizuar nga Drejtori i Departamentit të Teknologjisë Informacionit dhe shtetas të tjerë.

Hetimet vijojnë për sqarimin e plotë të rrethanave të ngjarjes”, thuhet në njoftimin e AMP-së./ CNA





Lajmet e fundit nga