E fundit!

13:05 Aktualitet

Kallëzohet në SPAK Edi Rama

Grupi Parlamentar i PD-së kallëzon në SPAK Edi Ramën për v...

Akil Pano sulmon Veliajn/ “E shndërroi Bashkinë e Tiranës në institucion turpi”

23 Maj 2024, 21:13, Aktualitet CNA

Akil Pano sulmon Veliajn/ “E shndërroi Bashkinë e Tiranës

Pastori Akil Pano

Përfaqësues të shoqërisë civile, me në krye koalicionin shqiptar Pro Familjes dhe Jetës, përfshirë qytetarë të shumtë kanë protestuar pasditen e kësaj të enjteje në sheshin Skëndërbej, në shenjë revolte kundër projekligjit për surrogacinë.

Pastori Akil Pano, një nga nismëtarët e kësaj proteste tha se familja shqiptare po kërcënohet nga ky projektligj, për të cilin pretendon se është klientelist

Pano u ndal edhe tek martesa e dy grave në tarracën e Bashkisë së Tiranës, duke e cilësuar këtë të fundit si një institucion turpi.

“Shumë afër nga këtu kemi Bashkinë e Tiranës, institucionin që vetëm 3 ditë më parë, 4 ditë më parë ka shkelur një nga ligjet më të rëndësishme që lidhet me esencën e familjes, që është martesa. A e dini që martesa në Shqipëri përkufizohet si bashkimi civil mes një burri dhe një gruaje. Ky është kodi i familjes së Republikës së Shqipërisë, martesa është institucioni civil mes një burri dhe një gruaje. Nuk ka institucion tjetër në Shqipëri që mund ta tjetërsojë këtë ligj, këtë kod, kodin e familjes. Ne duhet ta mbajmë përkufizimin e martesës siç është në librat e shenjtë dhe në kodin civil të Shqipërisë.

Kjo është një propagandë, e cila kërkon të ndërhyjë kirurgjikalisht, të bëjë një operacion kirurgjikal në kulturën shqiptare, që atë që është anti-normë, ta shndërrojë në normë. Kjo është që ndodhi me lejen, organizimin dhe miratimin e kryetarit të Bashkisë së Tiranës disa ditë më parë në Bashkinë e Tiranës, që është shndërruar fatkeqësisht në Bashkinë e turpit dhe jo të nderit”, deklaroi Pano.

Në protestë u bë publik edhe peticioni me 10 pika, që do i dorëzohet institucioneve kryesore në vend, përfshirë përfaqësitë diplomatike, duke kërkuar që të tërhiqen nga projektigji.

Në protestë morën pjesë edhe figura publike. Njëra prej tyre ishte aktorja Eliona Pitarka. Ajo bëri thirrje që më shumë personazhe të njohur të bashkohen në protestë.

Protestuesit thanë se nisma do çohet deri në fund me synim realizimin e saj, ndërsa paraljmëruan kallëzim penal për hartuesit e projektligjit./ CNA