web counter
LEXO PA REKLAMA!

SHKARKO APP

App Store
Google Play

Abetarja e përbashkët/ Ministri i Maqedonisë së Veriut: Kemi nisur procedurat, e duam edhe ne

11 Shtator 2022, 19:23, Aktualitet CNA
Abetarja e përbashkët/ Ministri i Maqedonisë së Veriut: Kemi
Ministri i Arsimit në Maqedoninë e Veriut, Jeton Shaqiri

Edhe Maqedonia e Veriut do të bashkohet me nismën e shqipërisë dhe të kosovës për të pasur një Abetare të përbashkët.

Këtë e bëri të ditur vetë ministri i Arsimit në Maqedoninë e Veriut, Jeton Shaqiri, gjatë fjalës së tij në prezantimin e Abetares së përbashkët.

Shaqiri tha se qeveria në Maqedoninë e Veriut ka nisur procedurat që edhe shqiptarët atje të mësojnë me të njëjtën abetare.

‘Do të kemi një abetare të përbashkët. Dita e sotme përbën edhe një ditë historike, ku njerëzimit i kujton nevojën për të bërë për komunitetin. Shqiptarët pikërisht sot promovojnë Abetaren e përbashkët dhe vendosmërinë e qeverisë së Shqipërisë e Kosovës e Maqeodnisë së Veriut që ne po bëjmë ndaj popullit e për një arsim më cilësor. Shqipëria dhe Kosova kanë qenë përkrahësit dhe mbështetësit më të mëdhenj për mijëra studentë nga trevat e tjera për tu arsimuar.

Abetarja që sot promovohet konfirmon për nevojën e futjes së kësaj Abetarje për të gjithë nxënësit shqiptarë kudo që janë. Dua të ndaj me ju se kemi filluar procedurat në vendin tonë dhe jam i bindur që edhe në do të përdorim të njëjtën Abetare. Një ide që tani kemi hedhur hapa drejt normalizimit është platforma online ku mësuesit do të angazhohen me disa orë në javë për t’u ligjëruar fëmijëve në diasporë gjuhën amtare”, theksoi ministri./ B.A. – CNA.al





Lajmet e fundit nga