E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Dy kallëzime në prokurori pa përgjigje/ Qytetarja: Dyshoj se ish-bashkëshorti ka tentuar të përdhunojë fëmijët

16 Maj 2022, 19:16, Denoncim CNA

Një qytetare nga Lushnja është ankuar në emisionin “Fiks Fare” se nuk po gjen të drejtën nga organet e drejtësisë. Ajo dyshon se ish-bashkëshorti ka tentuar të përdhunojë 2 fëmijët e saj dhe ka bërë veprime të turpshme në sy të tyre, vajzën që e ka me një ish-bashkëshort tjetër, dhe djalin që e ka me këtë për të cilin ngre dyshimet.

?Përderisa nuk është bërë asgjë për vajzën, ai po e bën dhe me djalin se nuk ka frikë?, shprehet e shqetësuar qytetarja.

Ajo tregon se ka vajtur shpeshherë në prokurori ka bërë dhe shkresa, por asnjë përgjigje nuk ka marrë. ?Prokurore Merita thotë e ka çështjen Natasha, kjo e fundit thotë s?kam asnjë çështje tënden?, sqaron denoncuesja.

E gjendur përpara kësaj situate e ëma e dy të miturve kërkon ndihmën e “Fiksit”, jo vetëm për fëmijët e saj, siç shprehet ajo, por edhe për fëmijë të tjerë që mund të bien pre e ish-bashkëshortit të saj. ?Kërkoj vetëm të dalin me një vendim, sido që të jetë ai?, thotë denoncuesja.

“Fiksi” solli bisedën e qytetares me prokuroren Merita Selimi e cila i thotë se çështja e vajzës e regjistruar para 2 vitesh i ka kaluar prokurores Natasha Qirko, ndërkohë kjo e fundit e informon qytetaren nëpërmjet punonjësit të prokurorisë se nuk ka asnjë çështje me të.

Por jo vetëm aq, qytetarja disponon disa shkresa ku kërkon informacion në Prokurorinë Lushnjë mbi çështjen e vitit 2020, por asnjëherë nuk ka marrë përgjigje, nuk është njohur me dosjen dhe s?ka mundur të shohë raportin psikologjik që i është bërë të miturës. E gjendur para këtij fakti ajo kërkon që të mos ndodhë e njëjta gjë dhe me kallëzimin që ka bërë për djalin. Por dhe kallëzimi i fundit sërish ka mbetur pa përgjigje nga ana e Prokurorisë Lushnjë./tch