web counter
LEXO PA REKLAMA!

SHKARKO APP

App Store
Google Play

E fundit!

x

Humbja e Edlira Haxhiymerit/ Universiteti i Tiranës tregon kontributet e pedagoges

14 Maj 2022, 18:21, Aktualitet CNA

Universiteti i Tiranës ka dhënë një mesazh ngushëllimi për ndarjen nga jeta të ish-deputetes së PS-së dhe pedagoges së shquar, Edlira Haxhiymeri.

Universiteti e cilëson Haxhiymerin si një model frymëzimi, një pikë referimi për shkencat sociale në vend dhe mentore të disa brezave studentësh dhe studiuesish.

Universiteti i Tiranës thekson se pedagogia ka qenë një ndër themelueset e Fakultetit të Shkencave Sociale.

?Prof. Edlira Haxhiymeri, një model frymëzimi.

Për dekada me radhë, Prof. Haxhiymeri kontribuoi me profesionalizmin dhe modelin e saj, në fushën e mësimëdhënies dhe studimit. Ajo u shndërrua në pikë referimi për shkencat sociale në vend, mentore e disa brezash studentësh dhe studiuesish.

Por kontributi i Prof. Haxhiymerit nuk mbeti brenda botës universitare dhe asaj akademike. Ajo ishte një model i urtësisë dhe qytetarisë edhe në politikë.

Ikja e parakohshme e Prof. Haxhiymerit është një humbje e madhe jo vetëm për familjen, por për gjithë shoqërinë shqiptare.

Ajo do të jetë një model frymëzimi për botën universitare dhe shoqërinë shqiptare.

Universiteti i Tiranës humbi një prej figurave më të çmuara të tij, ndër themelueset e Fakultetit të Shkencave Sociale.

Rektorati, në emër të të gjithë pedagogëve të Universitetit të Tiranës, shpreh ngushëllimet familjes, të afërmve dhe kolegëve të saj?, thuhet në deklaratën e Universitetit./ CNA.al

Pedagoge, politikane dhe shkrimtare/ Kush është ish deputetja, Edlira Haxhiymeri, që u nda nga jeta





Lajmet e fundit nga