LEXO PA REKLAMA!

SHKARKO APP

Pedagoge, politikane dhe shkrimtare/ Kush është ish deputetja, Edlira Haxhiymeri, që u nda nga jeta

14 Maj 2022, 08:17, Aktualitet CNA

Ish deputetja e PS dhe pedagogia e shquar, Edlira Haxhiymeri është ndarë nga jeta pas një beteje të gjatë me një sëmundje të rëndë.

Lajmi i hidhur u bë i ditur nga familjarë të saj në rrjetet sociale, duke zbuluar se ish deputetja prej vitesh vuante me sëmundjen.

Prof .Assoc. Dr. Edlira Haxhiymeri, ishte pedagoge me kohë të plotë në Universitetin e Tiranës, Fakulteti i Shkencave Sociale, dhe kishte një eksperiencë pune 30 vjeçare si pedagoge dhe studiuese.

Fillimisht ka studiuar për Gjuhën Angleze dhe më pas është specializuar për Psikologji.

Që nga viti 1987 ka qenë pedagoge në fushën e Psikologjisë dhe ka mbrojtur gradën ?Doktore e Shkencave? si dhe ka fituar titullin ?Profesore e Asocuar?.

Por profesionalizmi i saj ka kaluar edhe kufijtë shqiptar. Përreth një viti ajo ka punuar si pedagoge vizitore në GVSU, Michigan, SHBA.

Gjatë 15 viteve të fundit Haxhiymeri ka mbajtur pozicione të rëndësishme në arsimin e lartë, si Përgjegjëse e Departamentit të Punës Sociale, anëtare e Senatit të Universitetit, Zëvendës Rektore e Universitetit të Tiranës dhe Zëvendësministre e Arsimit (përgjegjëse për Arsimin e Lartë).

Ajo ka patur një përvojë të pasur në aktivizimin e shoqërisë civile, kryesisht për të drejtat e njeriut, të drejtat e fëmijëve dhe të drejtat e grave. Ka mbajtur edhe postin si Drejtore Ekzekutive e Strehëzës për Gra dhe Vajza të Dhunuara në Tiranë.

Përveç kësaj, Haxhiymeri është autore dhe bashkë-autore e shumë artikujve në revista kombëtare dhe ndërkombëtare, autore e teksteve shkollore për student si dhe drejtuese e projekteve kërkimore në nivel kombëtar, rajonal dhe ndërkombëtar.

Ka botuar ?Dhuna në familjen shqiptare?, ?Sjellja njerëzore dhe mjedisi social?, ?Rolet dhe steriotipet gjinore?, ?Mitet dhe realitetet e dhunës në familje?, ?Dhuna ndaj fëmijëve dhe pasojat në zhvillimin e tyre?.

Gjithashtu ka qenë e pranishme edhe në politikë.  Fillimisht ka qenë e angazhuar si eksperte e më pas si kandidate për deputete në një nga zonat e Tiranës, si zv.ministre e Arsimit, si prefekte e Tiranës dhe më pas si sekretare për Shoqërinë Civile dhe Shanset e Barabarta në Partinë Socialiste./ CNA.al

Lajmet e fundit nga