LEXO PA REKLAMA!

SHKARKO APP

Vrasja në Elbasan/ Berisha: Balla e Bardhi arkitektët, prokurori u shpërblye për të mbyllur gojën

13 Maj 2022, 17:03, Aktualitet CNA

Ish-Kryeministi Sali Berisha gjatë takimit në Elbasan, është ndalur të komentojë dhe masakrën zgjedhore të 25 prillit.

Ai tha se komisioni hetimor për këtë masakër u shua në momentin që vëmendja u vendos te ngjarja e Elbasanit.

Sipas tij, arkitektët e ngjarjes ishin Taulant Balla dhe Gazment Bardhi.

Ai tha se ky është komisioni i parë i mbyllur në 30 vite.

“Sa erdhi problemi te ngjarja e Elbasanit e shuan komisionin. Kjo do hetohet, ne nuk jemi parti dhune. Kjo është e prerë. Por kush ishin arkitektët e ngjarjes. Dy vetë ishin, Taulant Balla dhe Gazment Bardhi, asnjë diskutim nuk ka, unë e kuptojë që ishin grupe të majta ekstemiste, por ishin dy veta që kishin përgjegjësi absolute. Dhe çfarë bën, e mbyllën komisioni, është komisioni i vetëm që është mbyllur në 30 vite. Kurse Prokurori, një kriminel i vërtet, që gënjeu Elbasanin dhe gjithë Shqipërinë u shpërblye për të mbyllur gojën, u dërgua në SPAK. Këto pazare do të marrin fund,” tha Berisha.

 

Lajmet e fundit nga