web counter
LEXO PA REKLAMA!

SHKARKO APP

App Store
Google Play

Besimi i shiptarëve te SPAK-u/ Ngjela: Do të fitohet vetëm kur të goditet një "peshk" i madh

12 Maj 2022, 14:44, Aktualitet CNA

Avokati Spartak Ngjela, ka treguar se kur SPAK-u do të fitojë besimin e qytetarëve të Shqipërisë.

Ngjela tha se besimi do të vijë kur SPAK-u të godasë një “peshk” të madh, një Kryeministër ose ish-Kryeministër, një President ose ish-President.

Ai deklaroi në Euronews Albania se vetëm kur të vihet para drejtësisë një nga përgjegjësit e varfërisë, shqiptarët do të thonë se ky institucion drejtësie është i pavarur.

?Besimi është psikologji, nuk është logjikë. Kur do të vijë psikologjia për ta ngritur moralin për drejtësinë e SPAK-ut në Shqipëri? Kur të godasë një ‘peshk’ të madh, një Kryeministër ose ish-Kryeministër, një President ose ish-President, që opinioni publik e di që është i korruptuar. Opinioni publik i di të gjitha, por nuk ka pasur besim dhe thotë që këta kanë dhe pushtetin gjyqësor. Kur të shikojë që një Kryeministër ose ish-Kryeministër, një President ose ish-President vihet përpara përgjegjësisë nga SPAK-u, rritet vlera e SPAK-ut.

Dëgjoni të them diçka, unë nuk kam këtë bindje timen përballë një pushteti gjyqësor, për gjykatën të paktën. Personaliteti i një gjykate a e di kur vjen, te pafajësia. Dhe personaliteti i një gjykate si kjo vjen kur ti godet ata që populli mendon se janë përgjegjësit e kësaj varfërie?, theksoi avokati./ CNA.al





Lajmet e fundit nga