web counter
LEXO PA REKLAMA!

SHKARKO APP

App Store
Google Play

Cili do të jetë qëndrimi i SHBA-së me PD-në nëse drejtohet nga Berisha?/ Kim jep përgjigjen e prerë

12 Maj 2022, 19:48, Aktualitet CNA

Ambasadorja e SHBA0-së, Yuri Kim, ka treguar qëndrimin e SHBA-së me PD-në nëse kjo parti do të drejtohet nga ish-kryeministri Sali Berisha, i cili është shpallur “non grata” nga sekretari i shtetit Antony Blinken.

Kim tha për “Open” se do të ishte fatkeqësi nëse SHBA-ja nuk do të kishte marrëdhënie normale me PD-në që ka pasur raporte të veçanta për kohë të gjatë, ndërsa shton se me Berishën nuk do të kenë të bëjnë fare.

?Qëndrimi i Shteteve të Bashkuara mbi këtë çështje është shumë, shumë i qartë, por përfundimi është se nuk do të kemi të bëjmë me dikë i cili është shpallur publikisht nga Sekretari i Shtetit për korrupsion madhor apo për minim të demokracisë dhe do të ishte fatkeqësi nëse nuk do të kishim marrëdhënie normale me një parti me të cilën kemi pasur një marrëdhënie të veçantë për një kohë kaq të gjatë?, tha ajo

Ndërsa e pyetur për ndërhyrjet e brendshme në PD, Kim tha: ?Mendoj se gabohen, me gjithë respektin, janë gabim. Ne nuk u themi njerëzve se për cilin të votojnë, qoftë në zgjedhje apo brenda në parti. Ajo që ne bëjmë është të japim faktet dhe bëjmë të qartë se cili është pozicioni i Shteteve të Bashkuara. Por në fund, si drejtohet dhe cili e drejton këtë vend është një vendim i popullit shqiptar?./CNA.al





Lajmet e fundit nga