web counter
LEXO PA REKLAMA!

SHKARKO APP

App Store
Google Play

Pasi “zhduku krimin” në Shqipëri/ Olsian Çela merret me luftën në Ukrainë

13 Maj 2022, 08:20, Aktualitet CNA

Shqipëria është nën pushtetin e krimit. Janë statitiska të nxjerra nga organi i akuzës, si fakt që e konfirmojnë këtë version.

Nga ana tjetër, Prokurori i Përgjithshëm, Olsian Çela, nga java në javë shfaqet nëpër Evropë, herë duke marrë leksione për çështje të caktuara e herë tjetër me shqetësimin për luftën në Ukrainë.

Me anë të një njoftimi Prokuroria e Përgjithshme njofton se Olsian Çela po merr pjesë në konferencën e 13-të të Rrjetit të Prokurorëve Evropianë (Nadal), që po zhvillohet në Vjenë, Austri.

Sipas të njëjtit njoftim, çështje kryesore e konferencës është bashkëpunimi mes Zyrës së Prokurorit Publik Evropian dhe prokurorive kombëtare. Kjo zyrë heton dhe ushtron ndjekjen penale për krime që kryhen kundër buxhetit të BE-së si mashtrimi, korrupsioni, etj.

Krijimi i kësaj zyre përbën një hap të rëndësishëm përpara në krijimin e një zone të përbashkët të drejtësisë penale në Bashkimin Evropian.

Prokurori i Përgjithshëm e vlerëson nisjen e bashkëpunimit me Zyrën e Prokurorit Publik Evropian si hap në rrugën e duhur në procesin e integrimit të vendit në BE.

Në konferencë u miratua edhe një deklaratë përmes së cilës u shpreh shqetësimi dhe solidariteti me Ukrainën dhe popullin ukrainas, si dhe u dënua agresioni rus dhe krimet e rënda që janë kryer atje. Anëtarët e rrjetit u angazhuan që brenda kompetencave të tyre ligjore, të mbështesin autoritetet ukrainase në mbledhjen dhe sigurimin e provave si dhe në hetimin dhe ndjekjen penale të krimeve të rënda të kryera në kuadër të konfliktit të armatosur.

Ndoshta Çela do të thotë edhe ndonjë fjalë për situatën kriminale në vend, pasi të ketë shuar luftën në Ukrainë./CNA.al





Lajmet e fundit nga