web counter
LEXO PA REKLAMA!

SHKARKO APP

App Store
Google Play

“Gjuha shqipe mbërrin në Harvard”/ Mesazhi i fortë: Flisni gjuhën amë

10 Maj 2022, 10:30, Aktualitet CNA

Gjuha shqipe është futur si lëndë me zgjedhje për herë të parë në Universitetin e Harvardit, për të gjithë studentët e të gjitha niveleve.

Lajmin e ka bërë të ditur Faton Limani, i cili punon si administrator departamenti në këtë universitet.

Ndërkohë, në lidhje me këtë lajm ka reaguar deputeti i PD-së, Belind Këlliçi, i cili shkruan se universiteti më i vjetër në SHBA ka përfshirë gjuhën tonë amtare si lëndë me zgjedhje.

Po ashtu Këlliçi përcjell mesazhe të forta për shqiptarët të cilët jetojnë jashtë vendit, ndërsa shkruan ?Ne jemi një komb mërgimtarësh të shpërndarë anekënd botës, prandaj flisni shqip me fëmijët tuaj të lindur jashtë truallit amë, se me të do të kuptojnë ninullat e gjysheve e do të mësojnë të duan atdheun e prindërve?.

?Gjuha shqipe mbërrin në Harvard.

Universiteti më i vjetër në SHBA ka përfshirë gjuhën tonë amtare si lëndë me zgjedhje.

Lajmin e ka dhënë Faton Limani, administrator pranë Departamentit të Letërsisë Krahasuese në këtë universitet.

A do e kenë menduar vallë për një çast atdhetarët shqiptarë në Kongresin e Manastirit, se gjuha shqipe do të mësohej në një nga universitetet më të mira të botës?

Kjo është një arritje e madhe për identitetin tonë.

Nga përpjekjet kolosale të kolonive shqiptare në Bukuresht, Sofje dhe Kajro, në kontributet e Naum Bredhit, Kristoforidhit, Mësonjës Todhrit, Skiroit, albanologëve të huaj e gjuhëtarëve vendas si Çabej e Kostallari, të gjithë pa përjashtim, në kohë të ndryshme, vendosën gjuhën shqipe në themel të vetëdijes sonë kombëtare.

Ne jemi një komb mërgimtarësh të shpërndarë anekënd botës, prandaj flisni shqip me fëmijët tuaj të lindur jashtë truallit amë, se me të do të kuptojnë ninullat e gjysheve e do të mësojnë të duan atdheun e prindërve. Gjuha mëkon krenarinë e origjinës.?-shkruan Belind Këlliçi./CNA.al





Lajmet e fundit nga