web counter
LEXO PA REKLAMA!

SHKARKO APP

App Store
Google Play

"KPA nuk e fakton dot"/ Imeraj: Nuk kam asnjë pasuri, gëzoj mbrojtje të posaçme

9 Maj 2022, 20:19, Aktualitet CNA

Elisabeta Imeraj thotë se ajo nuk zotëron asnjë pasuri dhe se ish-bashkëshorti i saj i ka krijuar pasuritë e tij, para vitit 2007 kur ata u martuan.

E ftuar në emisionin “Të Paekspozuarit” me Yli Rakipin, Imeraj deklaroi se edhe ato pasuri të ish-bashkëshortit janë të justifikuara, ndaj e quan procesin, që e shkarkoi nga detyra, si të padrejtë.

“Jam martuar në vitin 2007 dhe që prej martesës nuk ka asnjë pasuri të krijuar pas martese. Që nga deklarimi im i parë, nuk kam pasur asnjë pasuri në pronësi dhe në bashkëpronësi. Ndonjë pasaktësi e mundshme, e shënuar gabimisht, është marrë në konsideratë nga KPA duke më veshur elementët e pasurisë që lidhen me ish-bashkëshortin.

E pyetur se ato që citon KPA, ish-burri i saj i ka marrë para se të martoheshin, Imeraj tha se absolutisht që po dhe se sipas saj kjo është e provuar.

“Nëse unë kam shënuar banesa është në bashkëpronësi, a është kjo një element për t’u konsideruar i papërshtatshëm? Çdo pasuri që nga momenti i parë deri tek i fundit, ka burime të mjaftueshme. Elementi i parë që nxjerr KPA thotë nuk faktojmë dot. Pamjaftueshmëria konkludohet në bazë të një vendimi…”

Ndërsa lidhur me faktin që ajo shprehet se nuk ka asnjë pasuri, Imeraj shprehet se ligji parashikon një pikë specifike, që thuhet cenimi i besimit të publikut.

“Ajo që thotë zoti Matlija, që unë kam cenuar besimin e publikut… Kjo është e matshme, për shkak të çështjeve, mënyrës si është sjellë, tipologjisë si prokuror dhe informacioneve vijuese nga të gjitha organet ligjzbatuese. Policia e Shtetit, SHISH… Unë gëzoj mbrojtje të posaçme edhe sot. Kam pasur certifikatë sigurie”./CNA.al

 





Lajmet e fundit nga