web counter
LEXO PA REKLAMA!

SHKARKO APP

App Store
Google Play

Vetingu bllokon gjykatën, ngec shqyrtimi i çështjeve

9 Maj 2022, 18:10, Aktualitet CNA

Me trupë gjyqësore të përgjysmuar, Gjykata e Durrësit ka pësuar një ngërç në shqyrtimin e çështjeve.

Nga 17 gjyqtarë që ka në organikë, sot kjo gjykatë ka vetëm 8 gjyqtarë aktivë.

?Këto mungesa në trupat gjykuese kanë sjellë vonesa të tejskajshme të seancave gjyqësore dhe probleme me zgjatjen e afateve, probleme me gjykimet, me regjistrimet e çështjeve që kanë nevojë të ndiqen në rrugë të përshpejtuar, me administratën shtetërore, me gjykatat administrative. Të gjitha këto pasoja bien mbi qytetarët dhe shoqëritë tregtare,? ? u shpreh Lorval Petani, kreu i Dhomës Vendore të Avokatisë.

Euronews Albania është fokusuar në historinë e Olsi Hysollit, të mbijetuarit të vetëm të një aksidenti që i mori jetën 2 miqve të tij. Olsi sot pret vendimin e gjykatës për të marrë një dëmshpërblim.

?Mua më ka ndodhur një aksident me makinë ka vite. Kemi qenë 3 shokë, 2 ndërruan jetë dhe unë kam mbetur tani vetë fillikat, se 2 prindërit e mi janë moshë e vjetër, pensionistë,? ? tregoi Olsi, për të cilin paratë e dëmshpërblimit janë e vetmja shpresë për t?u shëruar.

?Më duhen medikamente për mbarëvajtjen e shëndetit tim, nuk jam për në punë, jam në kemp. Një kemp 150 mijë lekë, çfarë do bëj me të,? ? tha ai.

Ndërkohë aktorët e drejtësisë pretendojnë se mund të bojkojtojnë seancat gjyqësore në momente të caktuara. Petani u shpreh se do të dalin dhe ata me një qëndrim.

Të dhënat që Euronews Albania siguroi nga Gjykata e Shkallës së Parë tregojnë se gjatë vitit 2021 kanë marrë zgjidhje 8392 çështje gjyqësore dhe janë mbartur për këtë vit 2364 të tjera.

Përpara fillimit të reformës në vitin 2019, çdo gjyqtar i Durrësit gjykonte mesatarisht 400-500 çështje në vit, ose 50 në muaj.

Këtë vit ngarkesa individuale është rritur ndjeshëm, pasi secili gjyqtar merr në shqyrtim të paktën 400 dosje në muaj./euronews





Lajmet e fundit nga