E fundit!

10:40 Aktualitet

“Ndodhem në një luftë digjitale”/ Porositë e Ramës për socialistët

Kryeministri Edi Rama ka thirrur këtë të mërkurë në takim ...

KLP cakton drejtuesit e rinj/ Ja emrat e kryetarëve të prokurorive në Gjirokastër, Shkodër dhe Pukë

9 Maj 2022, 13:46, Aktualitet CNA

Këshilli i Lartë i Prokurorisë ka miratuar unanimisht në mbledhjen e sotme projekt-aktet për tre caktime të përkohëshme në detyrën e Drejtuesëve të zyrave të Prokurorive.

Konkretisht janë emëruar:

Julian Çafka, në detyrën e Drejtuesit të Prokurorisë pranë Gjykatës së Shkallës së Parë Gjirokastër;

Lazër Çardaku, në detyrën e Drejtuesit të Prokurorisë pranë Gjykatës së Apelit Shkodër;

Pierind Çukaj, në detyrën e Drejtuesit të Prokurorisë pranë Gjykatës së Shkallës së Parë Pukë

Më pas, është miratuar unanimisht projekt ? akti për një korrigjim gabimi material, në vendimin e KLP-së, Nr.77, datë 22.04.2022, ?Për mbarimin e statusit të magjistratit?.

Me propozim të Komisionit të Zhvillimit të Karrierës, janë miratuar unanimisht, dy (2) projekt ? aktet për caktimin e drejtuesëve të zyrave të Prokurorive përmes procedurës me ngritje në detyrë. Përmes kësaj procedure janë caktuar Durim Bedini, në pozicionin e Drejtuesit të Prokurorisë pranë Gjykatës së Shkallës së Parë Kavajë dhe Aurel Zarka, në pozicionin e Drejtuesit të Prokurorisë pranë Gjykatës së Shkallës së Parë Vlorë.

Në vijim, Këshilli ka miratuar unanimisht projekt ? aktin për miratimin e qëndrimit në detyrë të zotit Kujtim Luli.

Gjithashtu, Këshilli ka miratuar në mënyrë unanime edhe dy (2) raporte për analizimin e aftësisë profesionale të subjekteve të rivlerësimit, Eglantina Shehu dhe Marjola Mërtiri.

Ndërkohë, sa i takon miratimit të 2 (dy) projekt-rregulloreve, pas një sërë diskutimesh, Këshilli i Lartë i Prokurorisë, miratoi unanimisht rregullore ?Për vlerësimin etik dhe profesional të prokurorëve? si dhe ktheu për diskutim rregulloren ?Për komunikimin e Këshillit të Lartë të Prokurorisë me median?.

Me 8 (tetë) vota pro (në mungesë të Keshit dhe Dodajt), është miratuar projekt ? akti mbi miratimin e programit buxhetor afatmesëm 2023-2025 të Këshillit të Lartë të Prokurorisë. Në përfundim të mbledhjes, është miratuar me 9 (nëntë) vota pro dhe në mungesë të Keshit, projekt-akti për miratimin e veprimtarisë jashtë funksionit për prokurorin Kledian Llaho pranë Prokurorisë Sarandë./ CNA.al