E fundit!

12:08 Aktualitet

Edhe një tjetër “pikëz e voçkël” mbushet me shtëpi

Analisti dhe gazetari Mentor Kikia ka reaguar pas zjarrit ...

U përplasën nga Ajas Sulejmani/ Dy bashkëshortët Konomi dalin nga reanimacioni

9 Maj 2022, 20:38, Aktualitet CNA

Dalin nga reanimacioni çifti i bashkëshortëve, Arjan dhe Vilma Konomi, të cilët u përplasën nga një makinë luksoze teksa po kalonin rrugën me foshnjën e tyre tremuajshe në karrocë.

Mësohet se ata po vijojnë të jenë nën kujdes intensiv në Spitalin e Traumës, por fatmirësisht janë në gjendje shëndetësore të stabilizuar.

Ky lajm është bërë i ditur nga një i afërm i çiftit, Elvis Toçi. Në një intervistë për mediat, ky i fundit ka treguar se Arjani dhe Vilma janë me hematoma, por koshientë dhe aktualisht po mbahen nën efektin e ilaçeve.

Toçi tha se Vilma ishte në gjendje më të rëndë shëndetësore dhe ka shumë thyerje, ndërsa Arjani ka 6 brinjë dhe legenin e thyer.

Fëmija fatmirësisht nuk ka pasur plagë të rënda, por ka vetëm një gërvishtje te syri, sipas të afërmit të bashkëshortëve. Gjithashtu, raportohet se çifti Konomi ka kërkuar informacion për foshnjën sapo ka dalë nga reanimacioni.

?Unë sapo erdha nga spitali. Të lënduarit kanë dalë nga reanimacioni. Vilma ishte më rëndë. Sot në mëngjes ka filluar të reagojë, është koshiente. Por sigurisht është e përhumbur, por ka shumë thyerje. Arjani gjithashtu ka shumë 6 brinjë dhe legenin të thyer. E para ishte jeta, këtë fazë e kaluan, edhe pse doktorët nuk e kanë thënë fjalën e fundit. Ne shpresojmë që ata ia kanë hedhur. Fëmija është gërvishtur te syri, por ende nuk është formuar sepse është vetëm 3 muajsh.

Arjani pati mushkëritë me ujë, u detyruan të hapnin mushkëritë, Vilma nuk ishte koshiente. Pyetja e parë që bëri ishte për vajzën: Ku është vajza? Çifti është tani në një dhomë, dhe tani kanë vendosur edhe një krevat për vajzën. Ajo do të jetë një forcë e madhe që ata të bëhen mirë.n Në këtë rast nuk mund të thuash nuk kishte rrugë me sinjalistikë. Aty ishin të gjitha, semafor, vijat e bardha, të gjitha standardet. Çfarë nuk kishte? Vetëm njerëzit që kishin një armë në dorë, që në këtë rast ishte makina, që e përdorën në të gjitha parametrat e palejueshme?, tha Toçi.

Ndërkohë, kujtojmë se Arjan dhe Vilma Konomi u përplasën në Rrugën e Kavajës nga Ajas Sulejmani. Arjan Konomi është Drejtor i Sportit në Ministrinë e Arsimit, ndërsa Vilma është mjeke pediatre në Kombinat./ CNA.al