web counter
LEXO PA REKLAMA!

SHKARKO APP

App Store
Google Play

Vëllai i vrau me thikë nusen e vajzën para 12 viteve/ Shqiptari kompensohet me 100 mijë euro

10 Maj 2022, 08:34, Aktualitet CNA

100 mijë euro shpërblim është shifra që kanë vendosur organet kompetente në Itali për të kompensuar Anton Melyshin për humbjen e gruas 24-vjeçare, vajzës 4 vjeçe dhe kunatës 19-vjeçare. Ato u vranë barbarisht nga vëllai i Antonit.

Pas 12 vitesh, Komiteti për Solidaritet për Viktimat nga Krimet e Qëllimshme dhe të Dhunshme në Ministrinë e Brendshme dha vendimin për dëmshpërblimin e viktimës që në këtë rast është Antoni.

Por avokatët e shqiptarit thonë se do të ankimojnë vendimin dhe se do të kërkojnë dëmshpërblim edhe për kunatën e vrarë, pasi pretendojnë që paratë janë dhënë vetëm për vrasjen e dy të parave.

“Antoni, 30 vjeç, është murator. Në tetor të vitit 2009 ai doli nga shtëpia si normalisht për të punuar në Stradella, një provincë në Pavia, por kur u kthye në shtëpi gjeti një tmerr të vërtetë.” -raporton TV Klan.

Vajza Klaudia, gruaja Rina dhe kunata Ornela ishin therur me thikë.

Krimin e tmerrshëm që i kalon edhe kufijtë e imagjinatës e kishte kryer vëllai i tij, 24-vjeçari i quajtur Alfred.

Femrat e shtëpisë e kishin ftuar atë për drekë në shtëpi, ndërsa ai kreu një masakër të vërtetë ndaj tyre.

Në fund tentoi që të vriste veten.

Më pas, vrasësi u deklarua me probleme mendore dhe për pasojë nuk u dënua për të paguar dëmet që kishte shkaktuar.

Antoni u ishte drejtuar gjykatave të Romës dhe Ministrisë së Drejtësisë për t?u kompensuar me 250 mijë euro për çdo vrasje sipas ligjit në fuqi.

Në fillim kjo kërkesë ishte refuzuar.

Ndërkohë, avokati i Antonit thotë se vendimi i këtij gjykatësi duhej të rikthehej.

Madje, sipas tij, komiteti në fjalë duhej që të kompensonte me nga 60 mijë euro, tri jetët e humbura.





Lajmet e fundit nga