web counter
LEXO PA REKLAMA!

SHKARKO APP

App Store
Google Play

“Nuk jam në kërkim”/ Astrit Patozi refuzon Berishën

28 Prill 2022, 07:35, Politikë CNA

Astrit Patozi ka reaguar pas lakimit të emrit të tij, për rikthim në PD.

Me anë të një postimi në rrjete sociale, Patozi shkruan se nuk është në kërkim të ndonjë partie.

Ai shprehet se kurrë nuk ka menduar se politikë bëhet vetëm brenda një partie dhe vetëm rrotull një udhëheqësi legjendar dhe të pagabueshëm.

?Faleminderit, por nuk jam në kërkim

 Meqë më paska dalë emri mbrëmë dhe media është shprehur shumë e interesuar, e gjeta të udhës të jap një përgjigje të shkurtër.

Faleminderit që na kujtojnë ende, por unë nuk jam në kërkim të ndonjë partie. Aq më pak të atij lloji, që janë katandisur si mos më keq nga drejtimi i gabuar për një kohë të gjatë dhe të pandërprerë.

Ndihem shumë rehat sot me jetën dhe lirinë time, ndërkohë që për asnjë çast në këtë botë nuk kam menduar se politikë bëhet vetëm brenda një partie dhe vetëm rrotull një udhëheqësi legjendar dhe të pagabueshëm?, shkruan Patozi.

Sipas tij ftesa po i bëhet në të njëjtën mënyrë që i është bërë largimi, pa votë dhe pa mbledhje forumesh politike.

?Por meqë ftesa verbale për “dasëm” qenka bërë pas mesit të natës, kujtoj se e njëjta gjë ka ndodhur edhe 5 vjet më parë, kur na larguan.

Natyrisht, pa votë dhe pa mbledhje forumesh politike.

Të paktën, orën mund ta kishin ndërruar. Se në dorë vetë e kishin, si atëherë edhe tani?, përfundon reagimin Patozi.

Ky reagim i Patozit ka ardhur pas deklaratës së një nate më parë të ish-kryeministri Sali Berisha, i cili pas mbledhjes së Komisionit të Rithemelimit të Partisë Demokratike, tha,  se figurat e njohura politike të cilat janë larguar në 8 vitet e fundit nga selia blu janë të mirëpritur të rikthehen në parti.

Berisha bëri të ditur se mund të rikthehet Jozefina Topalli, Arben Imami, Astrit Patozi, Rudina Hajdari dhe Majlinda Bregu./CNA.al





Lajmet e fundit nga