web counter
LEXO PA REKLAMA!

SHKARKO APP

App Store
Google Play

“Ky do jetë momenti më i rëndësishëm në Kuvendin e 30 prillit”/ Biberaj ftesë anëtarëve: Bashkohuni të rrëzojmë Ramën

28 Prill 2022, 20:12, Politikë CNA

Ish deputeti i PD Aleksandër Biberaj u shpreh se Kuvendi i 30 prillit është shumë i rëndësishëm dhe se sipas tij çdo anëtar që do të përmbysë regjimin e Edi Ramës duhet të jetë i pranishëm.

Biberaj theksoi se edhe pse PD në 9 muajt e fundit nuk e ka luajtur rolin e saj opozitar, tashmë kauza nuk është personale e Berishës por e gjithë demokratëve shqiptarë, për të mposhtur qeverinë ?Rama?.

Ai tha ndër të tjera se nga ky Kuvend do të dalë Këshilli Kombëtar me 300 anëtarë, deputetë e kryetarë degësh.

?Siç është njoftuar do të jetë Kuvendi Kombëtar i PD-së dhe zhvillohet ashtu si i dhjetorit në kushte të jashtëzakonshme sepse opozita fatkeqësisht nuk e ka luajtur rolin opozitar në 9 muajt e fundit.

Por, unë mendoj se është moment reflektimi dhe bashkimi sepse ata që duan të përmbysin këtë regjim duhet të jenë në Kuvend me 30 prill, flas me idealin e bindjes se fizikisht do të jenë ata që janë të mandatuar si anëtarë. Vijmë pas një sërë Kuvendesh, që për hir të së vërtetës janë një risi në politikën shqiptare.

Konkurrenca dhe vota e lirë, këto vlera u harruan dhe u neglizhuan dhe tani është moment shumë i rëndësishëm, ky zhvillim i ri politik duhet të bëjë bashkë të gjithë ata që janë kundër kësaj qeverie anti-shqiptare.

Do të jetë një Kuvend kombëtar nga ku do të dalë Këshilli Kombëtar, me 300 anëtarë, do jenë deputetët që janë të votuar dhe gjithë kryetarët e degëve që janë votuar gjatë këtij procesi zgjedhor dhe unë them se është pozitive.

Ish-kryeministra e ish-presidentë do jenë pjesë besoj, nuk jam i sigurt nëse do të jetë Basha. Bardhi, Alibeaj dhe Basha kanë kohë për të reflektuar, unë nuk jam me teorinë e përjashtimit. Gabime PD ka sa të duash por sot merremi me të se jemi pjesë e saj por përballë ke një grup të strukturuar kriminal, kauza e sotme është e Shqiptarisë, nuk është personale?, u shpreh Biberaj./CNA.al





Lajmet e fundit nga