web counter
LEXO PA REKLAMA!

SHKARKO APP

App Store
Google Play

Refuzoi ftesën e Berishës/ Patozi: Është shumë vonë

28 Prill 2022, 14:11, Politikë CNA

Ish-koordinatori i Bindjes Demokratike, Astrit Patozi, ka reaguar sërish në lidhje me ftesën e ish-kryeministrit Sali Berisha për tu rikthyer në PD.

Patozi tha se arsyeja e refuzimit është se nuk beson te sinqeriteti i ftesës, duke e cilësuar Berishën si certifikues i veprimeve të Lulzim Bashës. Sipas tij, kjo ftesë ka ardhur shumë vonë.

?Unë refuzova jo thjeshtë ftesën, se ftesën e konsideroj si larje goje, por më shumë për publikun. Kam një detyrim për publikun.

Sali Berisha nuk ka reaguar në atë kohë kur na larguan. Ai është sjellë si certifikues i sjelles së Bashës për 8 vite e gjysmë me radhë. Ka qenë bashkëpunëtor me Bashën.

Ai është bashkëpërgjegjës. Përgjegjësi mund të mbash tërë jetën, mund edhe të pendohesh, por nuk është ky rast. Është shumë vonë. Po e bën për të thënë që po hapet PD, e të tjera.

Puna është se nuk mund të ftosh të larguarit ndërkohë që ti je në sherr.

Çfarë kuptimi ka që të ftosh një tjetër nga jashtë. Unë i kam sugjeruar para shumë kohësh që të ndahen. Nuk ka rëndësi kush merr selinë, kush merr telefonin?, u shpreh ai në emisionin ?Top Talk?./ CNA.al





Lajmet e fundit nga