web counter
LEXO PA REKLAMA!

SHKARKO APP

E fundit!

x

Integrimi në BE/ Rama: Pas qershorit do të kërkojmë ndarje nga RMV

28 Prill 2022, 14:02, Politikë CNA

Shqipëria po planifikon të kërkojë ndarjen nga Maqedonia e Veriut për çështjen e integrimit në BE.

Lajmin e ka bërë të ditur kryeministri Edi Rama gjatë një deklaratë për mediat pas përfundimit të takimit me Komisionierin për Zgjerimin e Bashkimit Evropian, Oliver Varhelyi.

Rama argumentoi se Shqipëria i ka përfunduar me detyrat e veta, ndaj po planifikon të kërkojë ndarje nga Maqedonia e Veriut pas qershorit.

Sipas tij, vetoja e vendosur nga Bullgaria ndaj Maqedonisë së Veriut, ka penguar hapjen e negociatave për të dyja vendet.

?Mbi marrëdhëniet rajonale, natyrisht edhe lidhur me situatën e luftës në Ukrainë si dhe me pasojat e saj mbi ekonominë e vendeve tona dhe patjetër që folëm edhe për stacionin e ardhshëm, të afërt mbledhjen e Këshillit Evropian ku do të diskutohet çështja e hapjes ose jo të koferencës së parë ndërqeveritare mes Shqipërisë dhe BE.

Nuk ka asnjë rezervë ndaj nesh por gjithçka lidhet me ngërçin e krijuar nga veto e Bullgarisë ndaj Maqedonisë së Veriut. Ne jemi në një kurs që e ka përcaktuar pozicionin tonë si konstruktiv dhe të lidhur me Maqedoninë dhe për mos ndarjen. Ky është pozicioni ynë aktual. E njoftova Komisionerin që ne e kemi kryer një proces këshillimi kombëtar dhe mbetet aktivizimi si qasje për ndarje pas mbledhjes së takimit të Këshillit Evropian.

Por, kjo mbetet për tu aktivizuar si qasje mbas kësaj mbledhje dhe deri në këtë takim ne jemi në pozicionin që të dyja vendet dueht të hapin negociatat?, theksoi kreu i qeverisë./ CNA.al





Lajmet e fundit nga