web counter
LEXO PA REKLAMA!

SHKARKO APP

App Store
Google Play

Shqipëria e ndarë nga RMV për negociatat?/ Këshilltarja e Ramës: Do të mbajmë të njëjtin pozicion

28 Prill 2022, 18:01, Politikë CNA

Këshilltarja e kryeministrit për çështjet Europiane, Odeta Barbullushi ka folur  për hapjen e negociatave.

Barbullushi në një intervistë për Vizion Plus theksoi se shanset janë të mira ndërsa theksoi se ka pasur arsye që të shpresohej për hapje negociatash prej dy vitesh. Ajo theksoi se Komisioneri i Bashkimit Europian për Zgjerimin dhe Fqinjësinë e Mirë, Oliver Varhelyi në vizitën e tij në Tiranë përditësoi situatën e deritanishme për hapjen e negociatave.

?Ai udhëtonte këtu nga Shkupi dhe Sofja dhe na përditësoi për situatën e deritanishme për hapjen e negociatave. Mesazhet e tij ishin inkurajuese se duke qenë se procesi është në negociata e sipër, është e nevojshme të ruhet ritmi dhe fryma e bashkëpunimit. Ne kemi dy vite që presim zgjidhje të situatës. Ne jemi më të përmbajtur në lidhje me pritshmëritë tona?, u shpreh Barbullushi.

-Kryeministri pohoi se kishte biseduar mundesine e ndarjes nga maqedonia e veriut. A mund te realizohet kjo pa miratimin e keshillit europian?

?Ne kemi paur edhe një anketim të opinionit publik dhe populli ishte pro ndarjes të Maqedonisë së Veriut dhe Shqipërisë. Kryeministri e tha qartë që ne do të mbajmë atë pozicion që kemii mbajtur deri tani. Të qenit bashkë, Shqipëria dhe Maqerdonia e Veriut është një vendim politik i BE. Të dy vendet i kanë mbushur çdo kriter për hapjne e negociatave. Është një vendim që i përket vendeve anëtare?, tha ajo./CNA.al





Lajmet e fundit nga