web counter
LEXO PA REKLAMA!

SHKARKO APP

App Store
Google Play

E fundit!

x

Kuvendi i 30 prillit/ Paloka nxjerr detajet, çfarë pritet të ndodhë

28 Prill 2022, 19:47, Politikë CNA

Deputeti i PD dhe anëtari i Komisionit të Rithemelimit Edi Paloka ka folur për Kuvendin e 30 prillit dhe ka treguar më tepër detaje se çfarë do të ndodhë.

Në një intervistë për emisionin ?Të Paekspozuarit? me Ylli Rakipin, Paloka komentoi edhe deklaratat e Gazment Bardhit, të cilat i konsideroi të habitshme, për faktin se retorika e tij, nuk ka ndryshuar edhe pas 6 marsit, ku Berisha fitoi thellë ndaj Bashës.

“Në 11 dhjetor, në ndjekjen e parimit që të gjitha strukturat do të zgjidhen me votë, vendosëm që edhe për Këshillin Kombëtar, secili do të votohej. Situata që u krijua dhe e kemi edhe sot edhe brenda grupit parlamentar, na detyroi që të krijojmë një hapësirë për pjesën tjetër të deputetëve, që të jenë anëtarë të Këshillit Kombëtar pa u votuar në këtë Kuvend, sepse do të ishte shumë e vështirë për ta të hynin në një garë dhe të fitonin.

Kur dëgjova Gazin (Bardhin), u shqetësoava se nuk ka ndryshuar asnjë fjalë në terminologjinë e tij. Kështu fliste dhe për 11 dhjetorin, thoshte është miting, edhe sot njëlloj.

Të qëndrosh në të njëjtën terminologji kur ka ndodhur edhe 6 marsi dhe zgjedhjet në degë, ku anëtarësia shkoi masivisht të zgjedhë, me defektet që edhe në situatë normale janë të zakonshme, të dalësh në të njëjtin pozicion, po e quaj mungesë vizioni”, tha Paloka./CNA.al





Lajmet e fundit nga