web counter
LEXO PA REKLAMA!

SHKARKO APP

App Store
Google Play

“Terror” në Malin e Zi/ Alarm për bomba në 41 shkolla, pezullohet mësimi

27 Prill 2022, 09:50, Kosova & Bota CNA

Mali i Zi është laramuar ditën e sotme pas disa njoftimeve për bomba në shkollat fillore.

Zëdhënësi i Ministrisë së Arsimit në Malin e Zi, Bojan Knezeviç, bëri me dije se janë arlarmuar për bomba në 41 shkolla dhe për këtë shkak kanë pezulluar mësimin.

?Ministria e Arsimit ka informacione se 41 shkolla kanë marrë njoftim për bombë dhe vetëm në ato shkolla është ndërprerë mësimi. Jemi në kontakt me Policinë nga e cila presim vlerësimin e situatës dhe do të njoftojmë pas kësaj?, u shpreh ai.

Nga ana tjetër, Drejtoria e Policisë lajmëroi se forcat policore ndodhen nëpër shkolla dhe po kryjnë kontrolle, por deri më tani nuk kanë gjetëur mjete shpërthyese.

Shkollat e evakuuara ndodhen në Podgoricë, Nikshiq, Tivar, Berane, Bijelo Polje, Kolasin, Herceg Novi, Budva, Cetinje, Andrijevicë, Ulqin, Kotor dhe Rozhajë.

Mesazhi që ka shkuar në këto shkolla është me gjuhë urrejtjeje, duke paralajmëruar hakmarrje dhe gjak.

?Në territorin e shkollës janë vendosur shumë bomba. Ne gjithmonë kemi ëndërruar për hakmarrje. Do marrim hak, do vijmë në shkollë. Ne do të vrasim këdo. Askush nuk do të mbetet gjallë. I gjithë qyteti do të rrjedh gjak?, thuhet në mesazhin e dërguar në shkollat fillore.

Ndërkohë, policia ka filluar hetimet dhe pritet të hedhë dritë mbi këtë ngjarje që ka terrorizuar Malin e Zi./CNA.al





Lajmet e fundit nga