web counter
LEXO PA REKLAMA!

SHKARKO APP

App Store
Google Play

Kamala Harris pozitive me Covid-19/ Izolohet zëvendëspresidentja e SHBA

27 Prill 2022, 06:30, Kosova & Bota CNA

Zëvendëspresidentja e Shteteve të Bashkuara të Amerikës, Kamala Harris, ka rezultuar positive me Covid-19.

Pasi u kthye nga një udhëtim një-javor në Kaliforni, Harris ka bërë testin e shpejtë të SARS-CoV-2 dhe rezultati ka treguar se ajo është pozitive, ndonëse vazhdon të jetë asiptomatike.

“Dola pozitive për COVID-19. Nuk kam simptoma dhe do të vazhdoj të izolohem dhe të ndjek udhëzimet e CDC. Jam mirënjohëse që jam vaksinuar dhe përforcuar“, shkroi Harris në Twitter.

Kirsten Allen, sekretarja e shtypit e zëvendëspresidentit, tha për mediat se Harris do të izolohet dhe do të vazhdojë të punojë nga rezidenca e zëvendëspresidentit.

“Ajo nuk ka qenë në kontakt të ngushtë me Presidentin apo Zonjën e Parë për shkak të orarit të tyre të udhëtimit të fundit. Ajo do të ndjekë udhëzimet e CDC dhe këshillat e mjekëve të saj. Zëvendëspresidentja do të kthehet në Shtëpinë e Bardhë kur të rezultojë negative?, shtoi Allen.

Gjithashtu ajo tregoi se Harris po merr trajtimin antiviral të koronavirusit Paxlovid, pasi u konsultua me mjekë.

Harris ishte planifikuar të merrte pjesë në konferencën e inteligjencës të martën në orën 10:15 të mëngjesit në Shtëpinë e Bardhë, së bashku me Presidentin Joe Biden, por një zyrtar i Shtëpisë së Bardhë ka deklaruar se ajo nuk mori pjesë në asnjë ngjarje apo takim për shkak të konfirmimit me Covid-19./ CNA.al





Lajmet e fundit nga