Ndihmës sekretarja amerikane: SHBA e përkushtuar ndaj sigurisë dhe qëndrueshmërisë së Kosovës

25 Prill 2022, 18:21, Kosova & Bota CNA

Ndihmës sekretarja amerikane e Shtetit për çështjet Evropiane dhe Euroaziatike, Karen Donfried, tha të hënën në Prishtinë se Kosova duhet të marrë vendin që i takon në strukturat euro-atlantike, ndërsa shprehu përkushtimin e Shteteve të Bashkuara për sigurinë dhe qëndrueshmërinë e saj.

Zonja Donfried po qëndron në Kosovë në kuadër të një vizite pesëditëshe në rajonin e Ballkanit Perëndimor.

?Unë jam këtu në në një kohë sfiduese, një moment përcaktues për Evropën dhe Ballkanin Perëndimor në veçanti. Lufta e paprovokuar, e pajustifikuar dhe brutale e Rusisë kundër Ukrainës ka treguar se sa e rëndësishme dhe urgjente është puna e vazhdueshme për t?u siguruar që Kosova dhe fqinjët e saj të vazhdojnë reformat e nevojshme për konsolidimin e tyre demokratik dhe për integrimin e tyre në institucionet evropiane dhe euroatlantike. E fituar me mund, ne nuk duhet ta marrim paqen dhe përparimin e Kosovës si të mirëqenë. Të gjithë ne duhet të luftojmë çdo ditë që të punojmë për qytetarët. Kjo nënkupton avancimin e përpjekjeve për të siguruar që Kosova të zërë vendin e saj të merituar në institucionet evropiane dhe euroatlantike, duke përfshirë edhe marrëveshjen për normalizimin e marrëdhënieve me Serbinë, të përqendruar në njohjen e ndërsjellë?, tha zonja Donfried.

?E di që shumë në Kosovë janë të brengosur për sigurinë e Kosovës në këtë kohë të pasigurt. Unë dua t’ju siguroj se angazhimi i Shteteve të Bashkuara dhe ai i aleatëve mbetet i hekurt. KFOR-i, misioni më i madh i NATO-s, është stacioni më i dukshëm i përkushtimit tonë të vazhdueshëm për sigurinë dhe qëndrueshmërinë e Kosovës?, tha ajo.

Ndihmës sekretarja amerikane vlerësoi udhëheqjen e Kosovës për strehimin e refugjatëve afganë dhe gatishmërinë port të strehuar edhe refugjatë nga Ukraina.

?Kosova i ka treguar botës se kur njerëzit kanë nevojë, dyert e saj janë të hapura?, tha zonja Donfried, e cila në një konferencë me gazetarë foli edhe për ish-Sekretaren amerikane të shtetit, Madeline Albright, që vdiq më 23 mars.

?Kohëve të fundit kemi humbur një prej avokateve më të forta amerikane të pavarësisë e sovranitetit të Kosovës, zonjën Madeline Albright. Ajo ishte tepër e përkushtuar për Kosovën dhe të ardhmen e Kosovës?, tha ajo duke nënvizuar se përkushtimi i zonjës Albright ndaj Kosovës, vazhdon të jetë i fuqishëm në Shtetet e Bashkuara.

Zonja Donfried po qëndron në Prishtinë disa ditë pas vizitës se tre senatorëve amerikanë të cilët u dhanë mbështetje aspiratave të Kosovës për integrime euro-atlantike./ VOA