web counter
LEXO PA REKLAMA!

SHKARKO APP

App Store
Google Play

E fundit!

x

Partia Zarfiste!

22 Prill 2022, 07:22, Opinione CNA

Nga Arian Galdini

Dikur thuhej ?derr në thes?, ndërsa sot po mësohemi me Këshillim Kombëtar në zarf, tender në zarf, PPP në zarf, ministër në zarf, opozitë në zarf, reformë zgjedhore në zarf, President në zarf, etj.

Dikur kishim ?nuse në duvak?, sot po kërkojmë President në zarf.

Dikur Enver Hoxha nëpërmjet emancipimin synonte që normat e shoqërisë ti zëvendësonte në emër të modernizimit me normat e Partisë, sot Edi Rama po bën të njëjtën gjë.

Sot punësohesh vetëm me zarf ose po të jesh i partisë.

Zarfi për një vend pune shkon nga 5000 apo 6000 euro për një infermier a mësues, e deri në shumë më tepër për të tjera.

Ose po të jesh i partisë bëhesh edhe patrinaz(h)ist.

Tashmë edhe votat edhe zgjedhjet merren me zarf.

Kështu që kur z. Ilirjan Celibashi bën thirrje që nëse duam që zgjedhjet e ardhshme ti bëjmë në të gjithë Shqipërinë, elektronike si në Njësinë 10 apo Vorë duhet tia nisim punës tani, duket qartë se Kryekomisioneri nuk e ka kuptuar ende se modernizimi sipas KM Edi Rama nuk nënkupton digjitalizim por zarfizim.

Kësisoj, shpesh mendoj se ndoshta Edi Rama do tia kishte ndryshuar përsëri emrin PS në Kongresin e këtij prilli, njëlloj siç bëri Ramiz Alia në 10 qershorin e 1990.

Por fatkeqësisht Edi Rama nuk gjeti dot një Dritëro Agoll, prandaj u mjaftua me një Ulsi Manj?

Sikur Edi Rama të kishte gjetur diçka më mirë se Ulsiu, ndoshta sot Partia Socialiste do të ishte bërë Partia Zarfiste.

Dhe ky emërtim do ti shkonte më së miri kësaj partie që i është nënshtruar pakushte një njeriu që i do të gjithë ?derra në thes?, ?nuse në duvak? apo ?President në zarf?./CNA.al





Lajmet e fundit nga