web counter
LEXO PA REKLAMA!

SHKARKO APP

App Store
Google Play

E fundit!

x

Afera e inceneratorëve/ Boçi: Rama po përpiqet ta mbyllë çështjen brenda një guacke që të mos preket vetë

30 Mars 2022, 20:11, Politikë CNA

Deputeti demokrat Luçiano Boçi në një intervistë televizive ka komentuar deklaratën ë kryeministrit Edi Rama, se përgjegjësia ishte personale, referuar rastit të deputetit të PS Alqi Bllako.

Boçi ka akuzuar kryeministrin se është duke bërë përpjekje për të mbyllur aferën e inceneratorëve brenda një guacke, në mënyrë që të mos preket vetë personalisht. Ai ka theksuar se është pikërisht Rama ai që ka ideuar dhe financuar inceneratorët.

?Arriti deri aty sa të dilte në konkluzionin që ishte PS ajo që çoi Alqi Bllakon pas hekurave sepse dëshira për drejtësi ishte aq e madhe sa ai ishte i gatshëm që të dorëzonte këdo. Harron që në Komision tha “ai që më lëshon mua, unë do ta lëshoj.” Është deklaratë e dhënë në Komisionin Hetimor dhe në fakt këtu ka një përpjekje jo për t’ia dorëzuar drejtësisë individë të caktuar, por ka një përpjekje për të mbyllur çështjen brenda një guacke dhe çështja të mos kalojë dhe mos prekë atë personalisht. Nëse flasim për njeriun që ideoi, financoi, që i mbrojti incineratorët dhe vazhdon t’i mbrojë si investime që gjoja kanë produkt prodhim energjie është vetë Rama. Rama është ai që gjoja s’mbante mend, por ka dhënë miliona. Rama është ai që përcaktoi treshen e famshme e cila u transformua në disa kompani dhe mori 3 incineratorët dhe është gati të marrë të katërtin. Paratë e taksapaguesve shqiptarë u shpërdoruan në një skemë shumë të ndërgjegjshme grabitjesh të parave të shqiptarëve?, ka deklaruar ai./ CNA.al





Lajmet e fundit nga