Financat e dyshimta të njerëzve të inceneratorëve/ Zbulohen transaksionet bankare

29 Mars 2022, 12:31, Aktualitet CNA

Të tjera skandale kanë dalë në dritë nga rrjeti i njerëzve të inceneratorëve, të cilët kanë operuar pas disa kompanive zinxhir.

Sot, CNA.al do të sjellë me dokumente se si këto kompani kanë kryer transaksione të dyshimta.

Kompania ARTCON, e cila fillimisht ka pasur pronare, gruan e Klodian Zotos, Ilza Zoto që në vitin 2016 ia shiti aksionet Denist Ymerit, i cili sot rezulton pronar i kompanisë në fjalë, është e përfshirë në skandal.

Sipas dokumentave që ka siguruar CNA.al. kompania ARTCON ka kryer disa transaksione me kompaninë ITS, e cila është në pronësi të Klodian Zotos.

CNA.al ka mundur të sigurojë tranferta vetëm në një bankë, por ka edhe në banka të tjera.

Pra, kompania me pronar shoferin e Mirel Mërtirit ka transferuar shuma të konsiderueshme parash në llogarinë e kompaninë ITS të Klodian Zotos.

Transaksionet janë disi të dyshimta, pasi flitet për pagesa faturash dhe kthime sërish në llogari të ARTCON të një pjesë të parave si pagesa shtesë.

Këto transaksione i përkasin vitit 2021-2022.

Totali debive i prodhuar nga këto transaksione shkon në vlerën 126.150.000,00 lekë, kreditimi nga ARTCON në ITS shkon në vlerën 112.516.736,00 lekë dhe debia e ITS në 100.000,00 euro.

Po më herët në vitin 2020 dhe konkretisht me 31.12.2020, ITS e Klodian Zotos ka nënshkruar një faturë tatimore shitjeje me objekt punimet “sipas situacionit” me vlerë 21 166 666 lekë.

Kompania ARTCON, përgjatë 2020-2021 ka marrë disa pagesa në vlera të konsiderueshme nga kompania De Mare, e cila është një kompani bashkëpunëtore e ngushtë e klanit të inceneratorëve, përfaqësuar nga i arratisuri Klodian Zoto.

Transaksionet janë kryer brenda të njëjtit rrjet, kredituar në total, nga kompania De Mare në ARTCON, në vlerën 391.782.974,00 lekë dhe 1.100.400,00 euro.

Të gjitha faturat ku dyshohet se janë qarkulluar financa të dyshimta, do i sjellim më poshtë

Kujtojmë se De Mare së bashku me kompaninë Victoria Invest, një kompani kjo pranë Lulzim Bashës, ka përfituar kontratën për trajtimin e mbetjeve në zonën e Porto Romanos dhe kjo një kontratë e dhënë me shumë nxitim dhe në mënyrë të dyshimtë në vitin 2018.

Dhe këtu në skenë del deputeti i PS-së Alqi Bllako, i cili në atë kohë drejtonte Agjencinë Kombëtare të Mbetjeve dhe në këtë pozicion mbylli dhe procedurat për dhënien e kontratës.

Vetëm 3 ditë pas regjistrimit të ?De Mare-Albania? si ?degë e huaj? e ?De Mare srl?, konkretisht në 21 Tetor 2019, Agjencia Kombëtare e Ujësjellës-Kanalizimeve dhe Infrastrukturës së Mbetjeve (AKUM) shpall tenderin për ?mbylljen e vend-depozitimit të ngurta EKO-Park, Durrës?.

Vlera e tenderit ishte parashikuar 1.68 miliardë lekë (të reja) pa TVSH, një vlerë e përafërt me 15 milionë euro.

Tenderi u parashikua të mbyllej në datë 19 Nëntor 2019. Por, në kohën kur duhej të shpallej fituesi, Agjencia Kombëtare e Ujësjellës-Kanalizime njoftoi se tenderi ishte anuluar, për shkak të ?gjendjes së fatkeqësisë natyrore?, të shpallur me Vendim të Këshillit të Ministrave më 27 Nëntor 2019./CNA.al

Dokumentet-Inceneratorët, nga skandali në skandal/ Si u përfshi gruaja e Klodian Zotos dhe u bë shoferi pronar

Skandali me inceneratorin e Tiranës/ Kompania shkon në Zimbabve, zbulohet koncesioni 300 milionë euro

Koncesioni 128 milion euro/ Plas skandali në Shqipëri, kompania ndryshon emër në Hollandë

Zbulohen fijet/ Si u përdor Top Channel për të mbrojtur aferën 330 mln euro të plehrave

Dokumentet ekskluzive-Skandali me inceneratorin e Fierit/ Si u zhvatën dhjetëra milion euro nga taksat e shqiptarëve

Dokumentet ekskluzive-Skandali me tenderin e inceneratorit/ Kompania fituese pa asnjë aktivitet biznesi, shkeljet proceduriale

Investigimi në Afrikë zbulon takimin e Edi Ramës me bosin e inceneratorëve

Skema korruptive e inceneratorëve në Shqipëri/ Kompania koncesionare pranon skandalin