E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

“U përpoq ta mësojë ‘notin’ pa hyrë në ujë”/ Tushi rendit arsyet: Pse dështoi Basha si politikan

29 Mars 2022, 18:02, Aktualitet CNA

Lulzim Basha do të mbahet mend si një ndër politikanët më të dështuar që në 9 vite në opozita nuk fitoi asnjë betejë.

Por përtej kësaj, Basha nuk e ka pranuar kurrë dështimin e tij dhe ka shpallur fitore dhe atëherë kur e ?bardha ka qenë e zëzë?.

Për një analizë të qëndrimit të tij politik, CNA.al i është drejtuar studiuesit, politologut dhe sociologut të njohur Gëzim Tushi.

Sipas Tushit Basha e kishte të pamjaftueshme staturën personale, formimin politik, karizmën dhe shpesh herë ka qënë një politikan jo shumë i vendosur dhe njerëzit kanë pasur dyshim për një lojë të dyfishtë që ai mund të ketë bërë për arsyet e tij personale.

?Psikologjia dhe qëndrimi politik i Lulzim Bashës në një far mënyrë është shprehje sinjifikative e zakonshme e atyre që inkorporohen në politikë në mënyrë artificiale. Janë ata politikanë që përpiqen ta mësojnë notin/artin e politikës pa u futur në ujë.

Në këtë kontekst, përgjegjësia e parë për qëndrimet e Bashës është e lidhur me atin e tij adoptiv, me atë që e solli Lul Bashën në politikë. Koha tregoi që e kishte të pamjaftueshme staturën personale, formimin politik, karizmën të cilën e ka pasur jashtëzakonisht të dobët.

Ideja për të mbrojur rolin e liderit të opozitës ai nuk mundi për arsye se u tregua një politikan jo shumë i vendosur, por një politikan ?fluger?, dhe në një far mënyre, herë pas here njerëzit kanë pasur dyshim për një lojë të dyfishtë që ai mund të ketë bërë për arsyet e tij personale, prandaj dhe elektorati i djathtë, kanë pasur dyshime në ngarkesën e tij të angazhimit prej vërteti për të luajtur rolin e opozitës.

Pra në një farë mënyre, sipas gjykimit tim më shumë ka qenë në territorin e Markiavielit që ka synuar të bëjë një politikë më shumë për interesa e tij personale. Basha nuk e ka kuptuar që roli opozitës në një sitem pluralist dhe demokratik është jashtëzakonisht i rëndësishëm. Opozita nuk merr pjesë në qeveri, por opozita merr pjesë në qeverisjen e vendit dhe ka përgjegjësi për cilësinë e qeverisjes së vendit.

Basha me gjithë dëshirën e madhe për të bërë një politikë dinamike e çoi opozitën në një pikë të vdekur dhe në një farë mënyre largimi i tij ishte plotësisht i justifikuar sepse në fund të fundit opozita është me të vërtetë një sfidë kombëtare dhe nuk është biznes. Është një mision të cilin Basha nuk e ruajti dot dhe natyrisht humbi moralisht dhe politikisht.”/E.T-CNA.al