Socialistët dorëzuan Bllakon/ Fundo: Shumë shpejt do ketë arrestime të tjera nga SPAK

29 Mars 2022, 19:40, Aktualitet CNA

Gazetari dhe editori i CNA.al Elvi Fundo ka folur mbrëmjen e sotme për aferën e inceneratorëve, si dhe arrestimin e Alqi Bllakos, i cili pak minuta më parë njoftoi se do dorëzonte mandatin.

Në një intervistë për emisionin A Show, Fundo u shpreh se vendimi i SPAK, që lëshoi 9 urdhër arreste ishte paralajmëruar nga CNA.al, ndërsa shtoi se shumë shpejt do ketë të tjera arrestime për këtë aferë.

Sipas tij, Bllako nuk është i vetmi person i përfshirë dhe nuk kishte tagër të mblidhte qeverinë dhe të jepte 14 vendime brenda një dite, ashtu siç ka ndodhur.

“Ditën e dielë ne kemi shkruar se do ketë arrestime. Ajo që po ndodh me Alqi Bllakon do ju jap një përkufizim, se tashmë zoti Bllako ka njoftuar se do dorëzoj mandatin. Ata e kanë lënë Alqi Bllakon të vjedhë dhe tani i thonë lëre mandatin dhe shko në burg. Këta të marrin, të lënë të vjedhësh, pastaj të thonë merre pak lopatën hape varrin dhe futu vet. Në fakt zoti Bllako ka qenë i pashpëtueshëm, nuk ka rilindje që e shpëtonte, për shkak të vetëm një shkrese. Zoti Ahmetaj në datën 3 mars i kthen një përgjigje Lefter Kokës dhe zotit Bllako, ndërkohë që zoti Bllako dy ditë para se ti vinte kjo përgjigje i ccon një shkresë Erion Veliajt në lidhje me inceneratorin ose landfillin e Tiranës. Por zoti Bllako nuk është arrestuar për këtë punë, por për shpërdorim detyre në lidhje me inceneratorin e Fierit.

Ende nuk janë hapur avazet e inceneratorit të Elbasanit dhe asgjë tjetër nuk është thënë për PPP e famshme, landfillin e Tiranës. Në kohën kur ai ka qenë tek AKUMI, për atë kohë nuk janë kryer hetime, zoti Blako ka pasur një marrëdhënie shumë të mirë me kompaninë ITS, mëmën e kompanoive të Klodian Zotos e cila ka marrë inceneratorin e Vlorës të cilin ne e kemi denoncuar disa muaj më parë dhe sot e bëri publike edhe zonja Kryemadhi. Unë mendoj që SPAK me letrat që ka, duke ndjekur lekët, duke mos shpikur rrotën do të mundet shumë shpejt shumë emra të tjerë. Nuk mbyllet vetëm me Bllakon, sepse nuk mundet dot ky të mbledhë qeverinë dhe të marr 14 vendime qeveritare brenda ditës“, tha Fundo./E.K-CNA.al