web counter
LEXO PA REKLAMA!

SHKARKO APP

App Store
Google Play

Vasili thirrje SPAK/ Zbulo këmbët e oktapodit të inceneratorëve, mosveprimi po sjell këto pasoja

28 Mars 2022, 17:31, Politikë CNA

Nënkryetari i LSI Petrit Vasili i ka bërë thirrje SPAK që të vijoj me zbardhjen e aferës së shekullit, atë të inceneratorëve.

Përmes një statusi në rrjetin social Facebook, Vasili shkruan se tre kallëzimet e bëra nga LSI po presin prej një viti në SPAK, ndërsa i kërkon të zbulojë këmbët e oktapodit, pasi ndryshe do ta bëjë forca e tij politike.

?SPAK zbulo këmbët e oktapodit të inceneratorëve, ndryshe do ta bëjmë ne..!

Tre kallzimet tronditëse të LSI, që presin prej një viti në SPAK!

Tre kallzimet bombë të LSI për inceneratorët më tronditëset e pluralizmit kanë që nga marsi i vitit 2021 në SPAK.

Këto kallzime të shoqëruara me fakte dhe dokumente shumë të rënda asgjesuese detyruan SPAK të ndalonte edhe një ish minister dhe gjithshka mbeti me kaq.

SPAK dhe Komisioni Hetimor kanë vonuar e shpërdoruar qëllimisht kohën për të vënë përpara përgjegjësisë fajtorët e deklaruar, të njohur.

SPAK po ngarkohesh me përgjëgjesi të mëdha me vonesën dhe sorollatjet e tua për inceneratorët.

SPAK me mosveprimet e tua po i lejon qeverisë të vazhdojë tu paguajë miliona mafiozëve të inceneratorëve që po hanë taksat e djersës dhe mundit të shqiptarëve.

SPAK heto fort se oktapodit të inceneratorëve vetëm një këmbë i është zbuluar.

Këmbë të tjera duhen zbuluar, a mos po pret ta bëjmë ne?

SPAK po nuk e bëre ti, ne nuk do të bëjmë aspak sehir….siç nuk bëmë edhe për tre kallzimet e tjera, u kuptuam besoj!?, shkruan Vasili./E.K-CNA.al





Lajmet e fundit nga