web counter
LEXO PA REKLAMA!

SHKARKO APP

App Store
Google Play

“ Rusia nuk po bën luftë. Kjo është shfarosje”/ Dëshmi rrënqethëse nga Ukraina

9 Mars 2022, 15:24, Kosova & Bota CNA

Në fshatin Nemishayevo në periferi të Kievit, banorët janë strehuar në shtëpitë e tyre ndërsa bombardimet ruse vazhdojnë rregullisht.

Një vendase, Yaroslava Kaminska, thotë se ajo mbeti në Nemishajevo me familjen e saj, burrin, prindërit dhe gjyshen, pas pushtimit të fshatit nga Rusia më 28 shkurt. Ajo shpjegoi se ishte ndër ata persona të cilët mendonin se lufta nuk do të niste dhe se trupat ruse nuk do të hynin në Ukrainë. Që nga pushtimi, ajo thotë se banorët kanë qenë të frikësuar të largohen nga shtëpitë e tyre.

?Duhet të mos bëjmë zhurmë dhe të qendrojmë në vende që nuk mund të na arrijnë plumbat. Nuk mund të dalim nga shtëpitë dhe të kalojmë as rrugën. Fshihemi pas gardheve, pas mureve, në oborre. Kjo është e frikshme. Detyrohemi të fshihemi në fshatin tonë?, deklaroi Kaminska.

Kaminska thotë se granatimet kanë qenë të vazhdueshme që nga mbërritja e trupave ruse dhe se banorët dhe shtëpitë e tyre janë qëlluar nga snajperët dhe tanket. Ajo sqaroi se u detyrua te martën të braktisë fshatin, pasi aty veç luftës, nuk kishte më as ujë, as energji elektrike e as gas.

?Ne nuk jemi larë për një javë. Por nuk më shqetëson. Nuk ka rëndësi. Vetëm jeta është e rëndësishme, jeta e familjes sime dhe e imja. Unë e di se çfarë po na bën Rusia. Kjo nuk është luftë. Kjo është shfarosje?, ka përfunduar ajo./ CNA.al





Lajmet e fundit nga