web counter
LEXO PA REKLAMA!

SHKARKO APP

App Store
Google Play

Rusia shkel sërish armëpushimin/ Ministria e Jashtme: Bombardohet rruga e evakuimit të civilëve  

8 Mars 2022, 11:23, Kosova & Bota CNA

Ministria e Jashtme e Ukrainës akuzon forcat ruse se kanë shkelur armëpushimin e përkohshëm, për të cilin ishte rënë dakord dhe kanë bombarduar një korridor humanitar nga qyteti i rrethuar i Mariupol-it.

Zëdhënësi Oleg Nikolenko tha se forcat ruse po sulmonin korridorin humanitar midis qytetit dhe Zaporizhzhia, 225 km në veri-lindje.

Ai theksoi se tetë kamionë dhe 30 autobusë janë rrugës për të dërguar ndihma humanitare në qytet dhe për të evakuuar civilët në Zaporizhzhia.

Kujtojmë këtu se autoritetet ukrainase dhe ruse kishin rënë dakord më herët hapjen e një korridori humanitar për të lejuar civilët të largohen, por mesa duket kjo do të jetë sërish e pamundur.

Situata është kritike në Mariupol ku mungon ushqimi, uji dhe energjia elektrike. Presidenti ukrainas tha më herët se një fëmijë humbi jetën nga dehidratimi në qytet për shkak të mungesave të ushqimit dhe ujit të pijshëm./CNA.al

 

Ceasefire violated! Russian forces are now shelling the humanitarian corridor from Zaporizhzhia to Mariupol. 8 trucks + 30 buses ready to deliver humanitarian aid to Mariupol and to evac civilians to Zaporizhzhia. Pressure on Russia MUST step up to make it uphold its commitments.

? MFA of Ukraine ?? (@MFA_Ukraine) March 8, 2022





Lajmet e fundit nga