“Rama armik i Veriut”/ Denoncimi i Berishës: Miliona euro shkojnë në buxhetin e shtetit nga Kaskada e Drinit

26 Shkurt 2022, 10:33, Politikë CNA

Ish kryeministri Sali Berisha, në një deklaratë për mediat, është shprehur se do të vazhdojnë përpjekjet për rrëzimin e qeverisë, për të rikthyer tek qytetarët lirinë e votës së lirë.

Berisha ka deklaruar se kryeministri Edi Rama ka qenë gjithnjë një armik i Veriut, duke bërë diskriminim në investime, duke iu dhënë vetëm thërrime në krahasim me taksat që paguajnë qytetarët.

Ndër të tjera Berisha denoncoi se vetëm nga Kaskada e Drinit, në buxhetin e shtetit shkojnë qindra milionë euro të ardhura.

?Ne jemi në një fushatë elektorale në të vërtetë ne jemi një revolucion paqësor demokratik me të cilin kemi një synim kryesor, rikthimin e opozitës së vërtetë shqiptare.

Sjelljen në pushtet në PD dhe opozitës. Në këtë përpjekje që nisi nga fillimi i tetorit dhe pati impakt të gjerë pozitiv në shoqërinë shqiptare, ndodhi që të ketë të dekrohen me të drejtë 6 bashki vendi, 710 mijë votues në lista në të cilat duhet të zgjidhej qytetari i tyre i parë, Ne aplikuam standartin e primareve, sepose në revoilucionin tonë demokratik është vendimitare rikthimi i lirisë në Shqipëri. Liria pa votën e lirë nuk ekziston.

Do vazhdojmë përpjekjen tonë me bindjen se me narkoshtetin që është në fuqi votë të lirë me shqiptarët, nuk mund të ketë, është imeprative, rrëzimi i qeverisë në orët e shpejta që vijnë që shqiptarët të votojnë të lirë, siç votojnë shqiptarët në Kosovë dhe Maqedoni. Ne do të rikthejmë standartin e votës së lirë.

Edi Rama në shumë aspekte faktohet një armik i Shkodrës dhe i veriut dhe shqiptarëve në tërësi. Unë siç e dini kam denoncuar me fakte diskriminimin e tmerrshëm që iu ka bërë qarqeve të veriut në investime duke iu dhënë thërrime në krahasim me taksat që paguajnë dhe sjellin.

Kaskada e Drinit jep qindra milionë euro të ardhura buxhetit shtetit. Rruga e kombit jep 300-400 mijëra euro në vit, e megjithatë qytetarë e Kukësit tatohen për të ardhur në Tiranë.

Rruga më e ngarkuar me trafik në Shqipëri është rruga Shkodër-Lezhë në vend që të ishte një përparësi absolute, shpërqëndrohen në shumë drejtime dhe rruga nuk preket.

Edi Rama ndjek praktikat e vjetra, por ana tjetër , Shkodrën nuk e mashtroi dot kurrë dhe nuk mund ta mashtrojë”, tha Berisha.

Ndër të tjera, Berisha i ka bërë thirrje kandidatit të Bashës në Shkodër që të bashkohet me opozitën e vërtetë dhe të mos përfaqësojë pengun.

“Shkodra ka një të mirë rrenat nuk ia beson kujt. Kandidati tjetër është një aktivist i PD dhe nuk i mohojmë asnjë meritë dhe kontribut por unë i bëj thirrje atij dhe gjithë mbështetësve të bashkohen me kanditatin e opozitës së vërtetë. Lulzim Bashën nuk e braktisi Shqipëria pa arsye. Nëse del në polle me anëtarë të PD nuk del gjëkundi. Thirrja ime është për zotin Bushati, të mos pranojnë të përfaqësojnë një njeri që s?ka asnjë lloj besimi asnjë lloj kredenciali. E ftoj Bushatin ftoj demokratët të bashkohen të ulen dhe të diskutojnë me Bardh Saphiun, të votojnë kandidatin që doli me votën e demokratëve?, u shpreh Berisha./A.E-CNA.al