web counter
LEXO PA REKLAMA!

SHKARKO APP

App Store
Google Play

Afera e inceneratorëve/ Kryemadhi: SPAK në test, topi është në fushën e saj

25 Shkurt 2022, 21:48, Politikë CNA

Kryetarja e LSI Monika Kryemadhi ka folur sërish për aferën e inceneratorëve. Teksa u pyet nëse lufta Rusi-Ukrainë mund të heqë vëmendjen nga kjo çështje ajo se kjo është e pamundur. Në një intervistë në emisionin ?Zonë e Lirë, Kryemadhi tha se kjo do të ndodhte nëse sot nuk do të kishte një çështje të hapur dhe dosjet nuk do të ishin në SPAK.

Kryetarja e LSI tha se SPAK tashmë është në provë dhe bashkë me të e gjithë reforma në drejtësi për shkakun se LSI ka dorëzuar prova dhe fakte që janë të mjaftueshme për të dërguar prapa hekurave të gjithë zyrtarët që kanë shkelur ligjin.

?Vëmendjen e luftës nuk do të kishte interes nëse dosjet nuk do të ishin në SPAK dhe nuk do të ishin të hapura. Tani nuk është më në telin prehës as Edi Rama, as qeveria dhe as politika është SPAKU. Tani është në test SPAK-u?.

Tani është SPAK-u ai që është në provë. Topi është në fushën e SPAK-ut. Topi nuk është më as në fushën e Edi Ramës, as në fushën e Parlamentit as në fushën e mediave. Në 3 mars bëhet një vit nga denoncimi publik i aferës së inceneratorëve që ka bërë Monika Kryemadhi. SPAK sot nuk mund të thotë sot që nuk kam cështje. SPAK nuk mund të thotë që unë nuk kam dokumente. SPAK ka katër padi të firmosura me fakte dhe me prova. Ne sot i kemi dërguar të gjitha ambasadave të gjithë dosjen me katër paditë të përkthyera. Sot janë në test reforma në drejtësi që u votua me 140 vota dhe janë test dhe donatorët e reformës në drejtësi që kanë paguar miliona euro dhe dollarë. Është Departamenti Shtetit është Bashkimi Europian?, tha Kryemadhi./E.K-CNA.al





Lajmet e fundit nga