web counter
LEXO PA REKLAMA!

SHKARKO APP

App Store
Google Play

E fundit!

x

Jorida Tabaku mbyll me “sukses” shërbimin ndaj Ramës

25 Shkurt 2022, 10:26, Politikë CNA

Afera korruptive e shekullit, ajo e inceneratorëve, ka nxjerrë në dritë edhe më hapur, bashkëpunimin mes kryeministrit Edi Rama dhe kreut të shkarkuar të PD, Lulzim Basha.

Inceneratorët, tashmë botërisht të njohur si një aferë korruptive, kanë një ish-ministër në pranga. Kjo, vetëm për inceneratorin e Elbasanit.

Pra, në një nga tre investimet prej 178 milionë euro dhe në më të voglin prej tyre që është vetëm 22 milionë euro, siç është Elbasani.

Një koncesion për tre inceneratorë, ku vetëm kontrata koncesionare janë 178 milionë euro, ndërsa vlerat reale pritet të shkojnë në 430 milionë euro.

Por, tashmë që çështja e inceneratorëve është denoncuar fort në media, dhe SPAK ka nisur hetimet, hyn në ?lojë? Lulzim Basha.

Ky i fundit ngre një Komision Hetimor Parlamentar, në krye të të cilit vendos të besuarën e tij Jorida Tabaku.

Në tre muaj ky Komision nuk nxori në dritë asgjë. E ndërsa mbaroi afati ligjor 3-mujor, me ?bekimin? edhe të ambasadës së SHBA, farsa vijoi edhe për një muaj. Pra, u zgjat afati i Komisionit Hetimor, dhe u thirrën një listë dëshmitarësh, të cilët ?nuk dinin as nuk mbanin mend asgjë?.

Sikur mos mjaftonte fakti që dëshmitarët e thirrur nga Tabaku nuk mbanin mend asgjë, show duket se u mbyll në mënyrë ?spektakolare?, me dy dëshmitarët e fundit të thirrur nga zonja Tabaku, kryebashkiaku i Tiranës Erion Veliaj dhe kryeministri Edi Rama.

Në dy mbledhjet e fundit të këtij Komisioni, dëshmuan Rama dhe Veliaj, duke iu ofruar qytetarëve një teatër, një show, ku gjithçka dukej të kishte qënë e parapërgatitur. Si në rastin e Veliajt ashtu dhe të Ramës, dukej se ishin në Komision me pyetje të cilat i dinin paraprakisht dhe Tabaku vijoi ?misionin? e saj deri në fund.

Por, pasi për dy ditë me radhë shqiptarëve iu servir një teatër i pështirë, ndërkohë që bëhet fjalë për grabitjen e qindra mijë eurove nga taksat e tyre, sot Tabaku deklaroi mbylljen e Komisionit Hetimor dhe tha se tashmë anëtarët e Komisionit do të punon për raportin përfundimtar, i cili do të publikohet në datën 7 mars.

Në fakt komisioni duket se kërkoi të ?aministojë? mësë miri një aferë, e cila po tentohet të mbyllet vetëm me Lefter Kokën. Rama i nxori inceneratorët si vepra arti, ndërsa Tabaku nuk ishte në gjendje ta ?gozhdonte? me fakte. Për më tepër Tabaku nuk dinte t?i thoshte Ramës se ku ishin 430 milionë eurot, dhe as 45 milionët e dherave, që shkojnë në xhepat e koncesionarit të inceneratorit të Tiranës.

Nuk e dinte apo nuk duhej ta thonte, këtë përgjigje e jep vetëm Zonja Tabaku.

Por, përgjigjen që Tabaku, duhet tia thonte Ramës, e ka këtu, dhe e tregon edhe dokumenti më poshtë.

Por, fakti është që shqiptarët për 10 orë panë një teatër, ku Rama bënte ?heroin? që na shpëtoi nga plehrat, por pa treguar shifrat e frikshme të kostos së tyre, ndërsa Tabaku i shërbeu deri në fund kryeministrit, duke vijuar rolin të cilin i kishin caktuar.

Kjo tregon qartazi një marrëveshje të Lulzim Bashës me Edi Ramën.

Dhe me procedurë të dy bashkë po tentojnë mbyllin aferën e inceneratorëve, po mbyllin dosjen e inceneratorëve.

Por, shpresa e vetme mbetet tek SPAK. Ky institucion ka arrestuar një ish-ministër, vetëm për inceneratorin e Elbasanit. Ndërkohë që në hetim janë edhe dy inceneratorët e tjerë, ai i Fierit dhe Tiranës./CNA.al

Ku fshihen 45 milionë eurot e dherave që Jorida s?di t?ja shpjegojë Ramës

“Inceneratorët, afera më e madhe”/ Tabaku: Me 7 mars, raporti përfundimtar i Komisionit Hetimor

Detaji në Komisionin Hetimor/ Tabaku ?fundos? Bashën, nxjerr zbuluar pazaret me Ramën

?Komisioni i ka provat për inceneratorët?/ Tabaku me dy standarte

?Turp që mashtruat?/ Demokratët “kryqëzojnë” Tabakun, tregojnë marrëveshjen Rama-Veliaj

51 fakte dhe dokumente për aferën e inceneratorëve





Lajmet e fundit nga