E fundit!

13:28 Ekonomi

Ekonomia e përditshme/ Çfarë ndikimi kanë çmimet e karburantit sot?

Karburanti nuk prek vetëm drejtuesit e automjeteve. Kjo ës...

Rama, kryeministri që ia kalojnë gjithçka për shalësh

25 Shkurt 2022, 09:26, Politikë CNA

Kryeministri Edi Rama në Komisionin Hetimor për Inceneratorët deklaroi që i ka ndenjur te koka atij projekti DITË e NATË!

Por pasi përmbledh gjithë sa deklaroi herë duke u çjerrë, herë duke u zgërdhirë, herë duke u kruar e herë duke u përdredhur në karrige, nuk kupton se çfarë dreqin ka bërë ditë e natë mbi projektin e inceneratorëve!

Me çfarë merrej ditë e natë Kryeministri kur:

-Nuk kishte takuar kurrë individët e zgjedhur si pronarë kuotash të koncesionarit;

– Nuk shqetesohej se pse gjithmonë dilte i njëjti fitues;

– Nuk mund të verifikonte nëse ishin shkelur procedurat ligjore për përzgjedhjen e koncesionarit se kjo nuk është punë e kryeministrit. “Ka të tjere që merren me këto”

– Nuk dinte të thoshte kishin apo jo fonde këta biznesmenët me duar ne xhepa se kjo nuk është lëndë kryeministrore;

– Nuk mund të kontrollonte nëse dikush nga të vetët mund të korruptohej, se ai i ndërton marrëdhëniet mbi mirëbesimin me bashkëpunëtorët;

– Nuk ishte punë e tij të merrej me detajet e kontratës se kjo nuk është punë për kryeministrin;

– Nuk ishte punë e tij që të kontrollonte se ku shkonin pagesat që bëheshin për ndërtimin e inceneratoreve se kjo nuk është punë e kryeministrit;

– As tatimet, as dogana nuk i jepnin informacion se ku po shkonin fondet e paguara nga buxheti i shtetit për ndërtimin e inceneratorëve, se as dita e as nata nuk mjaftonte për këtë;

– Të dhënat nga thesari nga kryqëzimi i të cilave mund të kuptohej shumë, nuk janë gjëra me të cilat mund të merret asnjë kryeministër në botë. Aq më pak Rama;

– Pronarët e inceneratorëve janë në arrati, por kjo nuk e impresiononte Kryeministrin. Nuk ishte as i habitur për këtë;

– Një ministër është në burg, por këto as që bëhej fjalë që të ishin çështje për Kryeministrin. Ai nuk është prokuror.

Pyetja është:

Pse duhet një si Rama për kryeminister?

Këtij në rastin më të mirë ja kalokan të gjitha për shalësh!/CNA.al