web counter
LEXO PA REKLAMA!

SHKARKO APP

App Store
Google Play

E fundit!

x

“Shqipëria mbetet o hajvanë”/ Ish-ministri ka një pyetje për “dashnorët” e Ambasadës së SHBA

24 Shkurt 2022, 09:24, Politikë CNA

Ish-ministri i Drejtësisë, Ylli Manjani ka reaguar sërish në lidhje me qëndrimin e ambasdores së SHBA në Tiranë, Yuri Kim, në lidhje me kandidatët që garojnë në zgjedhjet e pjesshme vendore të 6 Marsit.

Në një postim në rrjetet sociale, Manjani drejton disa pyetje, për ?dashnorët? e Ambasadës së SHBA.

Manjani thekson se si ka mundësi që DASH i del koha të mendojë për disa të zgjedhur lokalë, që nuk do kenë asnjë vit mandate?

?Edhe një pyetje kam për dashnorët ambasadës Amerikane në Facebook e gjithandej:

Dakord 100% që zonja Kim përfaqëson Departamentin Amerikan të Shtetit (askush se vë në dyshin), por a mund të pikasë ndonjëri interesin politiko-strategjiko-diplomatik të Amerikës për bashkitë e Shkodrës, Durrësit, Dibrës, Lushnjës, Vorës e veçanërisht të Rrogozhinës?!

Për ca të zgjedhur lokalë që as 1 vit mandat nuk do kenë?!

Ti kenë mbaruar thua të gjitha hallet që kanë me Rusinë, Kinën, Korenë etj dhe të jenë fokusuar tek qeverisja lokale e Rrogozhinës?!

Po Ukrainën,që e pushtoi Putini, ta kenë nxjerrë nga axhenda për Rrogozhinën?!

Si u del koha të mendojnë për këto zgjedhje që as neve këtu sna hyjnë në punë?!

Si do ja bëni kur të ikë zonja Kim!?

Qesharakë pa fund!

Ambasadorët shkojnë e vijnë, Shqipëria mbetet, o hajvanë!!?-shkruan Manjani./CNA.al





Lajmet e fundit nga