Lufta në Ukrainë/ Rama flet për ndikimin në Shqipëri dhe rritjen e çmimeve

25 Shkurt 2022, 18:20, Politikë CNA

Kryeministri Edi Rama ka dalë në një konferencë për shtyp pas përfundimit të mbledhjes së jashtëzakonshme të NATO-s.

Teksa ka shprehur mbështetje për Ukrainën, Rama foli për ndikimin që ka lufta e Rusisë në vendin tonë.

Ai tha se do të ketë rritje të çmimit të energjisë, me rritjen eksponenciale të çmimeve të gazit në bursat ndërkombëtare apo dhe me rritjen e shpejtë të çmimit të naftës

?E kemi bërë me dije qëndrimin tonë që në minutat e para pas fillimit të luftës, nga ana tjetër ne i ndjekim me shumë keqardhje këto zhvillime duke i pasur në mendje të gjithë, lidershipi i Ukrainës kërcënohet edhe vetë drejtpërdrejt për jetën. Nuk e di nëse e ndoqët Zelenskyn tashmë të veshur me uniformë ushtarake në fushën e luftës, apo edhe ish-Presidentin që tashmë gjendet i armatosur. Është një situatë realisht tragjike, por nga ana tjetër është një zhvillim që ka sfiduar arkitekturën e sigurisë në Evropë, ngrehinën?.

Sekretari i Përgjithshëm i ka bërë me dije konkluzionet e Samitit por mu duke e udhës që të zhvillonim këtë konferencë të jashtëzakonshme. Ndryhse nga shumë prej vendeve të NATO-s nuk kemi varësira të konsiderueshme ekonomiko-tregtare me Rusinë, por nuk është krejt pa lidhje qoftë me Rusinë apo Ukrainën. Faktikisht situata është shumë larg normalitetit, sot është më e qartë se sa dje ajo që ka filluar të ndjehet muaj më parë me krizën e çmimemve të energjisë, me rritjen eksponenciale të çmimemve të gazit në bursat ndërkombëtare apo dhe me rritjen e shpejtë të çmimit të naftës. Ka një valë të inflacionit të shoqëruar me rritjen e çmimeve në tërësi.

Pas mbylljes dhe shtrëngimit të madh nga pandemia i ndjekim këto. Jemi i vetmi vend apo me ndodnjë përjashtim po themi se nuk është se i kemi parë të gjitha vendet, por jemi ndër vendet më të pakta që nuk e kemi prekur çmimin e energjisë. Në të gjitha komunikimet që kam pasur me kolegët, çështja themelore ka qenë rritja e çmimeve të energjisë që në vendet fqinje që nga Kosova lart dhe në Greqi poshtë apo në Itali, ka ndikuar shumë fort në faturën e shpenzimeve të konsumtorëve familjarë, pastaj të biznesit po e po. Jemi zotuar që të bëjmë çmos që kjo gjë të mos ndodhë në vendin tonë. Kemi bërë një ndryshim rrënjësor të të gjithë skemës të trajtimit të importit e eksportit të energjisë?, tha Rama./E.K-CNA.al