Një kryebashkiak për të gjallët, jo për të vdekurit/ Kandidati Bashës, që Bashkinë e sheh si “shtëpi funeralesh”

26 Shkurt 2022, 09:29, Politikë CNA

Kandidatët e Lulzim Bashës për zgjedhjet e pjesshme të 6 marsit, sikur janë gjendur në fund të ?pusit?.

Në fakt i braktisur nga demokratët, masivisht, Bashës, nuk i mbeti gjë tjetër veçse të zgjidhte tepricat, nën moton ? Lufta sapo ka nisur, betejat vazhdojnë?.

Një nga këta të përzgjedhur edhe është kandidati i për Bashkinë e Lushnjes Indrit Sefa.

Ky i fundit një biznesmen që nuk njihet për ndonjë kontributet në Partinë Demokratike.

Por duke pasur parasysh se Basha, kandidimet i sheh si pazare, si biznes, ashtu siç ka ndodhur me listat e deputetëve më herët, edhe në këtë rast, nuk pritet të jetë ndryshe.

Kandidati i Bashës, Indrit Sefa, kërkon udhëheqjen e Bashkisë së Lushnjës, pa ndonjë program konkret, me të njëjtën retorikë si Basha.

Për më tepër Sefa nuk njihet për ndonjë kapacitet profesional, përveçse si një biznesmen funeralesh.

Sefa është një nga ortakët e kompanisë ? Sefa Service? që merret me ofrimin e shërbimeve funerale, mirëmbatjen e varrezave, e të tjera shërbime në këtë sektor.

Në krye të Bashkisë së Lushnjes, maksimumi mund të rrisë biznesin e e tij të funeraleve, por të ardhmen e qytetarëve të Lushnjes, e rrënon.

Njësoj siç bëri Basha me demokratët, që në rolin e kryetarit, për tetë vite i rrënoi duke i lënë në opozitë.

Lushnja kërkon një kryebashkiak për të gjallët dhe jo për të vdekurit që edhe të ndarë nga jeta, kontribuojnë në mirëqenien e kandidatit të Bashës.

Indrit Sefa nuk ka një CV politike e as profesionale. Ai prezantohet si jurist pa harruar këtu shtesën si biznesmen funeralesh.

Në fushatën për 6 marsin Sefa po përdor sloganin se është i ri dhe për këtë arsye duhet votuar.

Një slogan qesharak ky, pasi ndryshimi nuk vjen me kriterin e moshës, por me pjekuri politike, me program të qartë dhe konkret dhe jo me biznes pas dere gati për ta fuqizuar në karrigen e kryetarit të Bashkisë.

?Në 6 mars lushnjarët janë përballë dy alternativave. Njëra është korrupsioni, dështimi 15-vjeçar duke mos investuar për zhvillimin e Lushnjës. Alternativa e re na përket ne të rinjve, që kemi dëshirën dhe vullnetin për t?u shërbyer njerëzve me ndershmëri dhe përkushtim. Sa më shumë njerëz takoj, aq më shumë bindem se bashkëqytetarët e mi do të zgjedhin ndryshimin?, shprehet Sefa.

Nuk është për t?u çuditur nga deklaratat e asnjë prej kandidatëve të Bashës, pasi me këta që i mbetën, duhet t?i sigurojë sërish fitoren e Partisë Socialiste, ashtu siç ka bërë me herët, në bazë të marrëveshjeve-pazare për çështje interesi ekomomik të tij, familjes së tij dhe atyre që e rrethojnë./CNA.al