web counter
LEXO PA REKLAMA!

SHKARKO APP

App Store
Google Play

Afera e inceneratorëve/ Disa pyetje për konservatorin e financave shqiptare!

22 Shkurt 2022, 11:25, Opinione CNA

Nga Mentor Kikia

Stela nuk kishte asnjë përvojë në biznesin e incenerimit të mbetjeve, por asaj i dhanë një kontratë 21 milion Euro për ndërtimin e një impianti, vetëm pak javë pasi kishte regjistruar një kompani.

Stela nuk kishte para për ta ndërtuar inceneratorin, por asaj i dhanë kredi menjëherë sapo nënshkroi kontratën.

Stela nuk kishte asnjë pasuri për të vendosur në bankë si garanci, por depozitoi atje si kolateral kontratën që i dhanë.

Stela nuk investoi asnjë qindrakë nga paratë e saj për ndërtimin e inceneratorit, por çdo muaj ia merrte shtetit dhe ia jepte bankës që i dha kredine.

Projekti i Stelës nuk kishte asnjë garanci për efikasitetin e investimit, por asaj ia dhanë paratë, dhe sot inceneratori i saj nuk punon.

Projekti i Stelës u tha se do të prodhojë energji dhe do të ndriçojë fshatin ku ndodhet inceneratori, por inceneratori i Stelës nuk ka lidhje fare me rrjetin e OST, sepse nuk ka licensë për prodhim energjie.

Projekti i Stelës binte ndesh, në mënyrë flagrante, me Ligjin për Menaxhimin e Integruar të Mbetjeve dhe direktivave të Komisionit Europian, që ne kemi miratuar në kuadër të negociatave me BE-në. Por sërish asaj i dhënë paratë për inceneratorin.

Ish Ministri i Financave, Arben Ahmetaj, tha para komisionit hetimor se ai është ministri më konservator me financat e shtetit. Edhe unë mendoj që ashtu është. Por me Stelën e ka lëshuar një çikë dorën.

Dini gjë kush është Stela?





Lajmet e fundit nga