LEXO PA REKLAMA!

SHKARKO APP

“Zoto dhe Gugallja zbrazën llogaritë para arratisjes”/ Inceneratorët “zhyten” në borxhe

17 Shkurt 2022, 11:40, Politikë CNA
“Zoto dhe Gugallja zbrazën llogaritë para arratisjes”/

Deputetja e Partisë Demokratike, Jorida Tabaku gjatë fjalës së saj sot në Kuvend, është ndalur tek afera e inceneratorëve.

Nga foltorja e Kuvendit, Tabaku deklaroi se edhe pse nga afera e inceneratorëve janë marrë miliona euro, kompanitë janë detyruar të marrin kredi.

Kjo sipas saj, ka ndodhur sepse i është kërkuar të bëjnë investime me paratë e tyre dhe në momentin që janë larguar personat e shpallur në kërkim për aferën, kanë zbrazur llogaritë ekzistuese.

?E dini çfarë ka ndodhur me inceneratorin e Tiranës? E kanë bërë me këta shtesë, askush s?e di sa do të përfitojë Zoto, Gugallja, Mërtiri. Ata s?janë pronarët përfitues. Disa flasin nga frika, sepse disa kanë futur duart e disa jo.

Kemi kontrata që sot, kanë deklaruar se kompanitë do i bëjnë vetë punimet e investimin. Ndërkohë që kanë marrë kredi financiare.

E dini çfarë kanë lënë në bankë? Kontratën koncesionare. Nuk kanë pasur kapital. Zoti Arapi deklaroi se kanë zbrazur llogaritë bankare, tha se nuk ka gjetur asgjë. Askush nuk e di se ku janë ato. Unë si nënë e zonjë ndjej keqardhje maksimale për punonjësit e përfshirë?, tha Tabaku./CNA.al

Lajmet e fundit nga