E fundit!

15:38 Aktualitet

Goditi protestuesin në Zvërnec/ Ndryshon masa e sigurisë për një nga punonjësit e sigurisë së kantierit

Gjykata e Apelit ka ndryshuar masën e sigurisë për një ng...

“Punoja për Zoton”/ Zbardhet dëshmia e ish-administratorit të inceneratorit të Fierit

14 Shkurt 2022, 16:47, Aktualitet CNA

Ish-administratori i inceneratorit të Fierit, Arenc Myrtezani u është përgjigjur pyetjeve të Komisionit Hetimor.

Ai është shprehur se ka punuar për Klodian Zoton dhe se kishte njohje me Stela Gugallin e Mirel Mërtirin.

I pyetur se përse pagesat kishin nisur të jepeshin direkt në momentin që është lidhur kontrata, ai tha se nuk kishte asnjë dijeni. Si rregull, duhet të nisnin shtatë muaj pas firmosjes së kontratës.

PJESË NGA BISEDA:

Jorida Tabaku: Në cilën periudhe keni qenë në inceneratorin e Fierit

Arenc Myrtezani: Nga viti 216 deri në shtator të 2017

Jorida Tabaku: Cilët janë pronarët

Arenc Myrtezani: Klodian Zoto, kam punuar për të, kjo ishte dhe rrjedhoja që më bashkon me Fierin.

Jorida Tabaku: E njihni besoj zotin Zoto, po Stela Gugallin dhe Mirel Mërtirin?

Arenc Myrtezani: Në të njëjtat marrëdhënie

Jorida Tabaku: Ngaqë Mërtiri nuk është aksioner

Arenc Myrtezani: Jo, jo, janë njohje të vjetra, me babain e Stelës kam punuar. Mund ta shpjegoj më gjatë?

Jorida Tabaku: Jo për këtë komision nuk ka rëndësi, kur keni komunikuar për herë të fundit

Arenc Myrtezani: Shumë të rralla, ka një vit

Jorida Tabaku: Pse u larguat?

Arenc Myrtezani: Për shkak të distancës dhe problemeve shëndetësore

Jorida Tabaku: Cili është profesioni juaj

Arenc Myrtezani: Jurist

Jorida Tabaku: Keni njohuri në administrimin e mbetjeve

Arenc Myrtezani: Jo

Jorida Tabaku: A keni pasur informacione para se të niste kontrata e grupit të Fierit

Arenc Myrtezani: Jo, jam futur më mbrapa. Kam lidhje vetëm më zbatimin e kontratës.

Jorida Tabaku: Kompania kaloi nga aksoneri italia tek Patosi me vlerën 20 mijë lekë të reja, një kontratë që kushtonte mbi 20 milionë euro

Arenc Myrtezani: Jo, nuk kam dijeni

Jorida Tabaku: A ka lidhur kontrata për kredi

Arenc Myrtezani: Po, kam dijeni

Jorida Tabaku: Thuhej që nuk do të merrej kredi. Edmond Arqile Bllako punonte në këtë kompani?

Arenc Myrtezani: Jo, jam i sigurtë

Jorida Tabaku: E mbani mend listën e kontratorëve? Merrnit shërbime nga kompanitë e Zotos dhe të Mërtirit

Arenc Myrtezani: Unë jam marrë me terrenin, me pak probleme me banorët, systemin, rrethimin e këto gjëra. Me ITS është lidhur kontratë për zhvillimin, kaq, gjë tjetër nuk di.

Jorida Tabaku: Ka filluar zbatimi më vonë dhe nuk është zbatuar kalendari i punimeve, jus apo thatë disa arsye që lidhen me banorët, i keni ndaluar pagesat?

Arenc Myrtezani: Nuk e kujtoj dot këtë pjesë?

Jorida Tabaku: Keni informacione kontakte për pagesat, pasi fillon 7 muaj pas firmosjes së kontratës, ndërkohë që u filluan menjëherë. Keni dijeni?

Arenc Myrtezani: Jo, s?kam dijeni, kjo erdhi si rrjedhojë e një kontrate të lidhur mes dy kompanive. Kemi filluar më parë se të bëheshin këto me sistemimet e këto, shkuam si top futbolli, s?kuptohej gjë se çfarë bëhej.