E fundit!

11:30 Aktualitet

Kultura nën drejtimin e Gonxhes/ Nënfinancimi dhe pasojat në tregun e punës

Raporti më i fundit i INSTAT për vitin 2025 zbulon një rea...

Flet avokat Ngjela, që nuk i del asgjë/ “Putinin do e vrasin”

14 Shkurt 2022, 10:08, Aktualitet CNA

Avokati Spartak Ngjela ka dalë me një parashikimin për situatën Rusi-Ukrainë.

Në një postim në rrjete sociale, Ngjela shkruan se nëse Putini do të pushtojë Ukrainën, do të shënojë njëherësh edhe fundin e tij.

Sipas Ngjelës, ose do ta vrasin ose do ta arrestojnë, pasi një luftë me Ukrainën do ta shkatërronte Rusinë.

“Një luftë me Ukrainën, shkatërron Rusinë. Këtë e di tani çdo mendje e kthjellët në politikën e lartë ruse dhe në rangjet e larta të ushtrisë ruse. Atëherë? Shumë e qartë: nëse Putini do të shpallë luftë për pushtimin e Ukrainës; ata që duan ta ruajnë Rusinë nga shkatërrim i kësaj lufte, ose do ta rrëzojnë nën arrest, ose do të vrasin Putinin? shkruan Ngjela.

Deklarata e plotë e avokatit:

Çdo të ndodhë me Ukrainën. Do ta pushtojë Rusia?
l.
Unë, për një gjë jam i sigurt: Vladimir Putini nuk është evropian; dhe e urren qytetërimin Perëndimor. I tillë ka qenë edhe një Vladimir tjetër në Rusi: Vladimir Iliç.
E pra, Rusisë i erdhi sërish në krye një joevropian.
Kjo kuptohet. Por, po të ishte gjallë Cesare Lambroso, ai do ta kapte nga forma e kafkës pathologjinë kriminele të Vladimir Putinit. Putini kërkon shkatërrim për të ngopur pathologjinë e tij; por do ta shihni që ai do të karfoset nga frika.
Nuk është Putini i pari tiran antiperëndimor i Rusisë të cilit i ka ndodhur kjo.
Por, nëse Putini nuk do të pushtohet nga frika – ndonëse frika e tij është mundësia më e madhe – ai mund të shkojë drejt luftës.
ll.
Një luftë me Ukrainën, shkatërron Rusinë. Këtë e di tani çdo mendje e kthjellët në politikën e lartë ruse dhe në rangjet e larta të ushtrisë ruse.
Atëherë? Shumë e qartë: nëse Putini do të shpallë luftë për pushtimin e Ukrainës; ata që duan ta ruajnë Rusinë nga shkatërrim i kësaj lufte, ose do ta rrëzojnë nën arrest, ose do të vrasin Putinin.
Këtë shembull na i kanë dhënë historitë e kësaj forme të vetëshkatërrimit të një kombi, kur është fjala për elitat ushtarake. Megjithatë, duhet të presim. Por gjasat janë që Putini do të tërhiqet, sepse dihet që, psikologjikisht, fuqia e frikës është më e madhe se forca e pasionit./CNA.al