web counter
LEXO PA REKLAMA!

SHKARKO APP

App Store
Google Play

E fundit!

x

GJKKO e dënoi me tre vite burg/ Kush janë “të fortët” që fituan lirinë nga Enkelejda Hoxha

14 Shkurt 2022, 15:20, Aktualitet CNA

Gjykata kundër Krimit të Organizuar dhe Korruspionit dënoi me tre vite burg ish gjyqtaren Enkelejda Hoxha, e cila me gjykim të shkurtuar do vuaj vetëm dy vite heqje lirie.

Ish gjyqtarja e Krujës është një emër i njohur për opinionin publik. Ajo ndryshe njihej edhe si ?gjyqtarja e të fortëve?, që lironte nga burgu të dënuarit me burgim të përjetshëm.

Enkelejda Hoxha ka liruar nga burgu ?trurin? e bandës së Durrësit, Endrit Dokle, me pretendimet se ai vuan nga sëmundje depresive, dhe se pjesën e mbetur të dënimit prej 5 vitesh do ta shlyejë në shërbim prove.

Gjithashtu, gjyqtarja Hoxha liroi nga burgu dhe djalin e deputetit socialist Rrahman Rraja, Rexhep Rraja, i dënuar për dhunimin e Xhisiela Malokut. Ky vendim prodhoi mjaft reagime asokohe.

Gjyqtarja e Krujës liroi nga burgu edhe vëllain e Admir Tafilit, Genc Tafili, i njohur dhe si ?i forti i Shkodrës?. Tafili ishte dënuar me 25 vite burg për bashkëpunim në vrasjen e drejtorit të Policisë së Shkodrës, Arben Zylyftari, në vitin 2000. Hoxha e liroi parakohe nga burgu Tafilin ? 5 vjet para përfundimit të dënimit.

Një tjetër i dënuar që do të linte para kohe qelitë e vuajtjes së dënimit me firmë të gjyqtares Enkelejda Hoxha, është Ilir Paja, i njohur me nofkën ?Ufo?.

Paja ishte arratisur tre herë nga burgu në Itali, ndërsa u kap në Tiranë, në zonën e ?Farmacisë 10?, pasi tentoi të ekzekutonte një oficer policie, i cili kishte shkuar ta arrestonte në vitin 2008. Ilir Pajës i kishte mbetur 1 vit burg për të shlyer, kur u lirua nga burgu falës Hoxhës.

Enkelejda Hoxha u arrestua me 11 Shkurt 2021, pasi dyshohet se ka kryer korrupsion shpërdoruar detyrën.

Bashkë me 9 persona të tjerë të vënë në pranga gjatë operacionit, ata akuzohen se kishin ngritur një skemë përmes të cilës ulnin dënimet ose lironin nga burgu të dënuar për vepra të rënda penale kundrejt parave.

Bashkë me të, u arrestuan edhe nëntë persona të tjerë në Gjykatën e Krujës, mes tyre kancelari i këtij institucioni, kryesekretarja Ela Mallkuçi dhe avokati Aldo Tabaku.

Gjyqi ndaj saj ka zgjatur disa seanca, ku vetë ish gjyqtarja kërkonte lirimin e saj me pretendimin se kishte fëmijë të vogël. Por ndonëse lirimi i ?kriminelëve të rrezikshëm? mbanin firmën e Hoxhës, babai i saj tha se vajza është e pafajshme dhe se fajin e kanë eprorët, ndërkohë që shtoi se ajo la në burg djalin e deputetit dhe shoqja e saj sipas babait të gjyqtares që e liroi nga burgu sot është në Gjykatën e Lartë.

Por pavarësisht të gjitha pretendimeve, Enkelejda Hoxha tashmë do vuaj dënimin me dy vite burg./E.K-CNA.al

GJKKO merr vendimin/ Ja me sa vite burg dënohet ish gjyqtarja Enkelejda Hoxha





Lajmet e fundit nga