web counter
LEXO PA REKLAMA!

SHKARKO APP

App Store
Google Play

Vendimi për Metën, një ditë pas zgjedhjeve të 6 Marsit/ Si po tentohet të heshtet humbja e radhës e Bashës

7 Shkurt 2022, 12:59, Politikë CNA

Vendimi për shkarkimin ose jo të Presidentit të Republikës Ilir Meta do të jepet brenda 30 ditësh nga Gjykata Kushtetuese.

Sipas këtij afati të bëra të ditur sot nga Kushtetuesja, vendimi pritet të jepet një ditë pas zgjedhjeve të pjesshme vendore të 6 Marsit, ku do të garohet në 6 Bashki.

Në fakt vendimi i Kushtetueses pritej, sot, në ditën e tretë që mbahej seanca, por Kushtetuesja pretendon se i duhen 30 ditë kohë për arsyetimin e vendimit.

Që do të thotë se një ditë pas zgjedhjeve vendore, në 6 Bashki, kur pritet të jepen rezultatet, ku do të kemi humbësit dhe fituesit, do të dalë në skenë edhe Gjykata Kushtetuese me vendimin për Presidentin Ilir Meta.

Sipas kësaj skeme ngrihen dyshimet se gjithçka është e koordinuar, në mënyrë të tillë, që humbësit e 6 Marsit, një prej të cilëve pritet të jetë Lulzim Basha me kandidatët e tij, do të heshten, duke i lëshuar terren, vendimit të Kushtetueses për Metën.

Pra, me 7 Mars, kryefjalë në politikë dhe jo vetëm do të jetë vendimi i Kushtetueses dhe Ilir Meta, për të lënë mënjanë Bashën, i cili i braktisur nga demokratët po hyn në zgjedhjet e 6 marsit.

Lulzim Basha nuk ka arritur të fitojë kur kishte demokratët me vete, i la ata në opozitë për tetë vite dhe të njëjtin fat humbës pritet të ketë me 6 Mars 2022.

Pas humbjeve të zgjedhjeve parlamentare të 25 prillit, 6 marsi pritet të jetë humbja dhe dështimi i radhës së Lulzim Bashës.

Por, kjo humbje ka dyshime se po tentohet të mjegullohet, të heshtet, duke lënë një ditë pas zgjedhjeve vendimin e Gjykatës Kushtetuese për Presidentin Ilir Meta, për të cilin Kuvendi, legjislatura e kaluar votoi për shkarkimin e tij./E.S-CNA.al





Lajmet e fundit nga