web counter
LEXO PA REKLAMA!

SHKARKO APP

App Store
Google Play

Meta e konfirmon/ Zbulon kur është takuar me Sali Berishën  

1 Shkurt 2022, 19:56, Politikë CNA

Presidenti Ilir Meta ka konfirmuar se ka patur një takim me ish kryeministrin Sali Berisha , 3-4 ditë më parë.

I ftuar në emisionin “Pushteti”, Meta u shpreh se me Berishën takohet çdo sekondë, ndërsa thekson se për të mirën e vendit ai bashkëpunon me çdo kënd që nuk cënon sovranitetin e vendit dhe demokracinë.

?Tjetër takimi, tjetër konsultimi, tjetër negociata. Kolegu juaj Çim Peka është ngatërrestar i paparë. Jemi takuar me z.Berisha. Unë e kam kërkuar që në nëntor të vitit para zgjedhjeve. U bënë 14 muaj. Ka pasur disa probleme, në rrethanat familajre, e kështu me radhë. Më në fund u takuam. Jemi takuar para 3-4 ditësh.

Unë me zotin Berisha takohem çdo sekonde. Çdo njeri që troket këtu unë e pres. Nuk është karrigia ime. Zotëria e ka derën hapur këtu dhe në shtëpinë time 24 orë. Kjo nuk do të thotë që ne ndajmë të njëjtat qëndrime për çdo çështje.

Ashtu siç nuk kemi ndarë s kur ishim në qeveri. Dhe kjo na bashkon. Për të mirën e vendit bashkëpunoj me çdo njëri që nuk prek sovranitetin, demokracinë. Unë e kam thenë para disa muajsh. Vjen e bëhet dhe më tërheqës dhe më demokrat. Primaret tani po i sjell. Unë e kam pasur bindje dhe më para se vendi nuk i lihet elitave, sepse mund të korruptohen dhe shantazhohen lehtë. Ne kemi parë sesi bëhen pengë të faktorëve të ndryshëm?, tha Meta./ A.E-CNA.al





Lajmet e fundit nga