web counter
LEXO PA REKLAMA!

SHKARKO APP

App Store
Google Play

Me Bashën apo Berishën?/ Dash Shehi zbulon pozicionin e tij: Beteja në PD kënaq Ramën, po i bëjnë gati 6 bashki

1 Shkurt 2022, 19:49, Politikë CNA

Kreu i LZHK-së Dashamir Shehi, ka zbuluar cili është pozocioni i tij mes Lulzim Bashës dhe Sali Berishës.

I ftuar në emisionin Frontline, Shehi është shprehur se ka patur oferta për të mbëhstetur njërin nga grupet, por ka zgjedhur që të mos pozicionohet.

Sipas Shehit, beteja brenda PD, kënaq vetëm Ramën dhe se me këtë që po bëjnë po i dhurojnë kryeministrit edhe 6 bashki të tjera.

?Nuk jam me asnjë grup. Nuk është çështje e këtyre ditëve. Unë kam 6 muaj që e përsëris. Beteja brenda PD-së kënaq Edi Ramën. Kjo është luftë për pushtet e për territor. Këto zgjedhje nuk do i përdorin për të mundur Ramën. Ata zgjodhën linjën e konfrontimit. Këta po i bëjnë Ramës gati edhe nja 6 bashki të tjera. E gjithë beteja është sa marr unë e sa merr ti. Ka pas oferta për tu bërë me një grup. Unë nuk kam qenë as me Bashën e as me Berishën. Koha do më japë të drejtë. Unë nuk jam te lista e Bashës.

Kërkojnë që një grup i caktuar të mbështesin njërin nga ata. Ne nuk e pranojmë këtë punë. Ndoka ka bërë zgjedhjet e vet. Ashtu e mendon por ne nuk mund të mendojmë të gjithë njësoj. Ka ardh dita të bëjmë një rinovim të madh të opozitës në vend. Por këta nuk më ndoqën mua. Në shtator këtë filluan një lëvizje e cila nuk i bën mirë e nuk e çon në pushtet. Aleanca me LSI nuk është e re ka qenë edhe më përpara. Këto zgjedhje janë një test statistikor. Meta duhet të respektojë institucionet dhe pozicionin e presidentit të republikës?, ka thënë Shehi./A.E-CNA.al





Lajmet e fundit nga